sensory ZERO (One Island South ) (已結業)

來到黃竹坑，近年多左好多餐廳，今次呢間原來有好多分店，而黃竹坑呢間係總店，很大很美的，間中還會有拳擊比賽全店都係自助式入位，自己中意坐邊都得，出去counter點完食物就等叫number自己拎，像快餐店模式。我們點了一個All day breakfast , 一個出名既滑蛋鰻魚飯，一杯flat white 同一杯凍朱古力咖啡鰻魚份量充足，燒得好好味，配滑滑的蛋係完美嘅All day每一項食物都唔錯，焦糖香蕉同喵喵多士都十分特別。賣相好好睇個人感覺評分：食物味道 - 食物賣相 - 餐廳環境 - 店員服務 - 性價比 -

去完海洋公園係附近搵野食見openrice呢間分數最高環境唔錯就walk in 試下 大失所望 饅魚飯有骨 爽口 唔係食評入面講到甘好味 All day breakfast 都無特別驚喜 薯角炸得唔靚 果醬味道ok 唔會想食多次

除咗去海洋公園都未真正去過黃竹坑，估唔到喺黃竹坑站嗰頭都幾有外國風情喎。呢間小黃店環境好闊絡，樓底高仲有落地玻璃令整個環境充滿自然光，係香港其他地方少見嘅室內設計！滑蛋鰻魚飯隻蛋真係唔老夠滑，鰻魚份量都唔孤寒幾厚肉嫁！而杯痴_線朱古力個名咁痴線，搞到就算明知好fat好甜都忍唔住想睇下咩名堂，結果因為攪唔勻搞到一開頭好苦但飲到低就甜到漏，但賣相真係幾打卡able！餐廳係以自助形式消費及取餐，算係幾方便！

自從南港島線通車，作為金鐘返工既打工仔，呢一日襯食飯時間都試試新鐵路南下覓食，今次試左呢間位於黃竹坑站附近既餐廳。一入到餐廳感覺裝修簡約，一個開放式廚房，數張木製大長枱，以快餐店模式運作，下單付款取餐，顧客大多是女生。餐廳標榜用日本米，所以我選擇左滑蛋鰻魚飯，配上一杯Latte，價錢為$115。鰻魚飯不過不失，白飯上放上滑蛋及鰻魚，再澆上鰻魚汁。鰻魚尚算足料，厚身大大塊，味道不錯，濃淡適中，但飯量偏少，不飽肚，比較適合女士吧。相比之下，咖啡比較失望，不吸引。總結：性價比不高，份量偏少。雖然日本米作招徠，但餐牌上飯餐不多，希望日後可以提供多啲選擇。