尚御潮滷居

营业中

休息中

醉香鮑魚$98都算大隻，⼀啲都唔un, 入味啲酒味，好食👍🏼蠔餅$138好大份，蠔仔大大粒，味道唔錯。蛋漿同平時食開嘅有啲唔同，炸得比較鬆化，食得多都唔會飽，唔洗留肚食其他野😝滷水鵝片$178鵝片好入味，肉嫩唔鞋身。墊底嘅豆腐都好出色。不過食多幾舊就會偏鹹。上湯腿絲蘿蔔$58唔好睇佢樣普普普通，白蘿蔔入味得嚟唔會好咸，食落去清清地，再配埋脆口嘅炸蒜頭一齊食，好食🤌🏼*難book枱，記得預早book

我好少去大角咀，但為咗食好食嘅潮州菜，所以諗住約埋幾個朋友去試吓🤭 幾日前開始打電話去book位，我諗真係前前後後打咗差唔多20次，最後終於有人聽，成功book咗平日夜晚4位👍🏻宮廷醉鴿 ⭐️⭐️⭐️⭐️⭐️原本以為細細隻，點知上枱見到份量好大，擺盤好靚！食落好好味，肉質嫩滑，最後梗係成隻清晒啦🥰酒香鵝肝 ⭐️⭐️⭐️⭐️⭐️先叫咗半份，大約有8-10塊，鵝肝好滑啊，酒香濃郁入晒味，食完之後我哋再encore多半份🤤滷水鵝腎 ⭐️⭐️⭐️⭐️第一次食鵝腎，好食喎，食落爽口，但係唔會太靭太硬，滷水好入味，推薦👍🏻滷水鵝片 ⭐️⭐️⭐️⭐️鵝片好滑大大塊，但係咸咗啲，最後我哋點咗少少酸汁食先中和返個咸味，不過整體都好值得試！蠔餅 ⭐️⭐️⭐️⭐️⭐️好耐冇見過咁大個蠔餅，出邊嗰啲餐廳越嚟越縮水！蠔餅好脆，蠔仔好大隻，真係食唔停口，雖然好好食，但始終炸嘢真係有啲熱氣😆尚御炒飯 ⭐️⭐️⭐️⭐️炒飯好好食，係用瓦煲上，個飯好大個，但係我哋四個女仔好快就清晒啦😁薑蔥豬油大地魚撈麵 ⭐️呢個係負分之作，絕不推介😅 個麵一餅餅黐埋一齊，咩味都冇，剩係得好重嘅鹼水味☹️

Soy Egg 🥚同9 Flag 🏳️打去book枱，點知一打去已經話成個月full晒，要book下個月，真係好誇張😋根據愈難book就愈好食既原則😋 依間野一定好好食😍 好啦! 為左食好野 等一個月就一個月啦🌙必試: 宮廷醉鴿🦆 沙薑醬蹄🐷 醉鵝肝🦢 滷水鵝片🦢 滷水墨魚🦑 酥炸蠔餅🦪是但總結: 超精緻 超好食既潮洲菜 CP值爆燈💡 如果你話我聽師傅做過五星級酒店👨‍🍳 我完全唔會surprise 😍 依間完全係五星級既野食👨‍🍳 平民既價錢💲 (利申:已經book左下個月再食)😋是但食評🌟💬✰環境😋簡潔唔花巧😋裝潢唔錯 周圍都係灰牆磚堆砌既特色牆冇太多花巧既裝潢🏪簡潔企理 唔係平時食打冷油淋淋既感覺廚房係開放式既 等位既時侯可以睇到廚師準備既過程但係店鋪都幾細間下 10張枱都唔夠🪑D枱都唔係好大張 有D窄 有D逼🏪真心幾好生意 絕對可以搬大小小😋✰宮廷醉鴿 ($168) 🍷🦆 酒店級既菜式 如果我係米芝蓮 我會直接俾星佢😍一上枱已經見到個presentation 有幾靚🍽️一隻咁細既鴿 起晒肉 仲要擺到咁靚😍真心去酒店餐廳或者高級食府先見到咁既擺盤👑完全無expect過大角咀既一間小店

新開大角咀潮州菜，餐廳較小，只有五、六張枱，所以建議提前訂位，免得白行一趟。雖然鋪面面積不算大，不過枱與枱之間的距離較大，不會太侷促。因為我們只有兩個人，今次主要想試他們的滷水、冷盤，包括宮廷醉鴿、滷水鵝片、極品酒香鵝肝、酥炸蠔餅、金蒜腿絲白菜仔。宮廷醉鴿 - 擺盤非常吸睛，花雕酒香撲鼻，肉質嫩滑，鴿皮爽脆，味道上相對甜口。滷水鵝片 - 滷水味道淳厚，滷水的香料味濃郁，油脂肉香味道豐富，不會過鹹，鵝片肉嫩入味。鋪底的滷水豆腐也不能錯過，選用硬豆腐，豆味香濃，吸引了鵝油和滷水汁的精華。極品酒香鵝肝 - 另一IG打卡菜式，入口綿滑甘香，雖然是脂肪，不過酒香恰好中和了肥膩感，喜歡吃內臟的朋友必點，非常適合佐酒，大滿足。酥炸蠔餅 - 與傳統煎蠔餅非常不一樣，偏炸蠔，每隻蠔都好飽滿，裹上鬆脆的蛋酥，外脆內嫩，蛋香、蠔鮮味道豐富，油炸火喉掌握得好好。金蒜腿絲白菜仔 - 減少罪惡感，不過仍然好好味的一道菜，炸蒜雖然被芡汁浸稔，不過蒜味依然濃郁。加上金華火腿絲的鹹香，突出白菜仔的清甜。因為每道菜的份量不少，所以適合大班人聚會，可以嘗試不同的菜式，主食類都非常吸引，下次有機會，一定會叫。

🇭🇰尚御潮滷居·滷水鵝肝$200 l 酒香鵝肝$200 l 滷水墨魚片$60 l 滷水鵝片$178呢間餐廳係有好多潮州滷水既 可以去到舖頭自己揀 不過因為我哋嗰日比較多人 所以我就唔係影左好多相🫢🫢我自己好推薦佢個鵝肝 佢係超級smooth 質感好好 而且兩款都入曬味 好肥仔 但係好好味🦢之後墨魚片同埋鵝片都唔錯 不過就無鵝肝咁驚艷😈😈·蠔餅$138 l 懷舊生炸雞$300 l 新鮮馬友條$160 l 花甲蒸蛋$188之後佢呢度嘅炸嘢都做得好出色 尤其係佢個蠔餅好好味🤤🤤佢呢個蠔餅係多啲蠔仔既 炸粉只係薄薄一層 所以口感好好 但係出到黎都係超級酥脆🦪😍之後佢個生炸雞都唔錯 雞皮好脆 而且雞肉好嫩 🐤馬友既話我自己就鍾意煎多過凍食 因為我覺得香口啲 而且個魚油香出啲🐟最後個花甲蒸蛋都唔錯 好適合食完咁多炸野之後食 不過佢個蒸蛋食落係有啲軟綿綿既 唔知係咪因為打左個羨 食落都幾特別🤣🤣·#rbyeat#rby港式 #rby中菜#rby大角咀·📍大角咀杉樹街2-16號金基大廈地下5號舖