潮洲滷 (已結業)

今日係同同事一個禮拜一次既飯盒會🤣通常我地都會帶飯或者叫外賣起公司一齊食，一齊食晏吹下水同互通下消息咁🤫有間滷水野起附近想試好耐，梗係要拉埋佢地食啦人多又可以試多啲款😋同埋lunch食滷水都幾特別，幾有新鮮感🤤我地呢次叫左4盒外賣，份量多到有啲出乎預料😳基本上食滷水應該要叫既我地都叫左，有滷水鵝翼、鵝片、豬耳、豬手、豆腐、紅腸同蛋，好豐富好滿足，一解想食滷水既恨🤗野食唔錯，幾好味，啲野食整得好入味，嫌唔夠既話佢都有問使唔使要額外既滷水汁，同埋價錢起呢區黎講係非常合理，都是值得再食既一間餐廳👍🏻

心滿意足的加餸選擇星期日晚睇咗電視節目, 介紹潮洲滷味; 咁吸引, 決定今日收工就去買來加餸.行入石水渠街, 見到呢間門口貼咗藝人相, 又有雜誌介紹.再睇真D, 滷水料已經賣得七七八八. 望下時間,只係5點幾, 已經快收工, 應該深得附近街坊愛戴.價錢唔貴, 經濟實惠. 我分別order咗滷水鵝片, 腩肉, 鵝腎, 同豆腐. 附上醋及滷水醬汁. 老細話滷水醬汁係自家調制, 記得要另上碟來食. 都未上到巴士, 因為太香, 已經急不及先偷食咗兩件腩肉! 最好食的一定係滷水鵝, 鵝片肥瘦適中, 嫩滑又厚肉, 入口唔肥膩, 鮮味十足!另外, 我都好鍾意滷水腩肉, 一層瘦一層肥, 又香口又夠味, 送啤酒一流. 送啤酒仲有一絕的, 係鵝腎! 結實入味, 蘸點醋更好! 滷水豆腐亦非常吸引, 豆味亦十足. 大家爭來食, 所以相機都無得食. 

到朋友家用膳作客，總不能兩手空空。放工後先到公司附近的潮洲滷買一盒滷水鵝片加餸。石水渠街臨近灣仔街市，人流挺高，街客也絡繹不絕。幸好筆者不算太晚來到，否則連最後一件滷水鵝上樁也售罄。 一份美味的滷水鵝，鵝肉要鬆軟入味，滷水要陳年留香不過鹹。論味道，鵝片不用外點醬材已十分足味，輕蘸酸醋則有助引出鮮香。肉質方面，軟嫩感比預期實了少許，但仍屬可接受範圍內。滷水蛋與滷水豆腐皆是吸汁上味之物，尤其是豆腐，既有豆香，又留有滷水味道，好吃！ 小小一盒滷水直送，大家少吃滋味，不錯呀！