煮打菜打冷小菜館 (已結業)

親戚住係「煮打菜」附近 感覺上係間家庭式經營嘅小菜館不過都有唔少明星幫襯過wor！店面都算大 仲會有廂房 啱哂一大班人聚會餐牌都算多選擇 近年好興嘅雞煲都有不過既然係打冷嘅 緊係要食啲潮洲野先啦～於是就嗌左一份潮式爆花蠔餅($96)、滷水鵝雙拼($102)同欖菜肉鬆四季豆($88)蠔餅同平時食開嘅樣子唔一樣 而且用pizza盤上 都幾新穎粉漿好鬆脆香口 唔怪得個名叫「爆花」蠔肉都算大粒 食落好飽肚滷水鵝拼墨魚 鵝片肥瘦適中 墨魚片非常爽口醬汁有酸汁同辣汁揀 好出色！最後就係近排好鍾意食嘅炒四季豆炒得好有火喉 又夠哂惹味 用黎送飯真係一流總括黎講 煮打菜嘅打冷真係唔錯連作為gaginang(潮洲話"自己人")嘅小編都覺得好食喔～

放工搭電車坐到筲箕灣搵個朋友食飯佢話佢屋企樓下有檔正菜要帶我地試下朋友帶路去左一間打冷店入到店面 裝修同平時普通茶記差不多有卡位同圓台 啲台都幾大張既 唔會太逼個晚叫左卻幾款野食不得不提蒸肉餅 見到餐牌上仲寫過係得獎添可以揀幾款口味 我地就揀左銀魚好少見用籠黎蒸肉餅 仲有荷葉墊底上台時都聞到好香 食落更加係驚喜滿滿！ 肉餅鋪滿超多銀魚仔 每淡都食到肉餅口感十分彈牙 仲食到好爽口既東東細問朋友 佢話應該係用左豬耳去撈肉餅所以會食到爽脆既軟骨 細細粒白色個舊就係口感好特別 難怪佢個名都改做爆牙肉餅啦真係幾好食 一試難忘我地仲叫左啲打冷小菜呢個滷水鵝雙拼都幾唔錯 鵝唔會太肥生腸夠爽身 滷水味香濃超鐘意食鵝腸既我都特別叫左碟鵝腸焯得剛好 口感肥嫰 好味呀！打冷少不了泡飯呢到有較少見既方魚肉碎做料調味適中 米水比例均勻 米粒仲原整唔會太爛整體黎講食物真係幾高質見佢仲有好多選擇 下次再黎搵朋友吹水打冷先得