嘹咋咧

营业中

休息中

唔洗出香港都可以食到陝西菜。份量都很大份，味道都很正宗嘅陝西風味!大盤雞（288hkd）好大一份，四個人都夠食，雞肉醃製很入味，仲有洋蔥，土豆，胡蘿蔔配菜，biangbiang面口感鬆軟有彈性，醬汁濃郁，配白飯絕佳!潼關豬肉肉夾饃（35hkd）都推薦!第一次喺香港食到肉夾饃，豬肉份量都好足，第一次嘗試陝西菜千祈唔好錯過肉夾饃!香椿炒雞蛋，平日里想自己煮但無奈揾唔到原材料，今次終於食到香椿!其實該叫香椿煎雞蛋，香椿有少少中藥味，口感味道都很特別，同雞蛋混合味道好香!未食過香椿這樣食材一定要嘗試!具體位置唔容易揾，好似喺希慎廣場對面一條小路上，平時嗰條路會有好多臨街小販，要走入小路留意鋪頭名。

朋友介紹銅鑼灣有間食陝西菜嘅餐廳，見佢連個名都係陝西方言咁特別，決定搵日去開銅鑼灣就去試一試～當日叫咗一個午市套餐，揀咗蔥爆牛肉飯，味道正常，跟餐有埋餐飲，算係唔錯嘅午餐快飯之選👍🏻油潑扯麵味道較重口味，鍾意食辣同重口味嘅人可以一試！醬料比得好足，麵身都幾掛醬，每條麵都好夠味，會越食越辣😛🔥鬆化炸豬扒 🐷炸得好酥脆！上枱放咗陣先食唔會淋晒😋 配埋蛋黃醬食一流！潼關肉夾饃出面層酥皮十分酥脆❗️入面肉餡好有肉汁，唔會乾，加埋嚟食啱啱好，唔會油膩，真係好好食🥹

初初見到小紅書有好多人讚埋呢間話好正宗陝西菜，即刻約左北方朋友黎探店可能疫情期間所以人特別少，8點黎冇幾個堂食，叫左餐牌主頁三樣1、手撕羊棒骨$138，可以食出羊膻味，但無醬汁，相對黎講有d偏淡，但可以要求加d辣醬面同香醋2、潼關肉夾饃$30，讚喔，酥脆麵皮，夾住羊肉，一定要試 3、陝西釀皮$58，唔同於一般涼皮，麵皮夠勁道，但醬汁方面油太多，辣味可以再重d4、網上最火嘅豆角燜面$62，端上桌時時間太久，麵全都變成一坨坨，初初未加醬汁覺得有d麻麻哋，但加曬醬汁再拌過一次發覺味道不錯5、羊雜碎湯$98，用料十足，白湯，但可以適當加白胡椒粉，都可以食得出羊膻味，不過味道都系平淡d依加堂食仲有88折，外賣78折，非常適合探店

渣甸坊我成日都行過，但係我真係唔知原來呢度有一間咁樣嘅餐廳，如果唔係有人喺希慎廣場門口派傳單，我今次都唔會試到d咁好食嘅嘢！➡️ 自家酸菜魚 ($198)好抵嘅酸菜魚，超大碗！200蚊都唔洗！魚肉嘅份量仲要好多，而且肉質仲好滑，雖然都有啲細骨，但係都真係好正，食完好飽。酸菜湯底做到恰到好處，酸酸辣辣食到停唔到口！➡️ 雞肉串4串 ($58)啖啖肉，唔會太鹹，加埋附送嘅調味粉一齊食，鹹香鹹香，送酒一流。➡️ 潼關肉夾饃 ($30)呢樣野我真係第一次食，原來呢樣嘢個賣點就係乾、脆、酥、香，係陝西嘅特色小食，外皮層層酥脆，裏面夾住肉碎，口感好豐富！嘹咋咧地址📍: 銅鑼灣渣甸坊9號地舖.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️⭐️