Romanne Leisure Food Concept (砵蘭街) (已結業)

滿足一下自己嘅慾望，所以就揀咗呢間餐廳，因為呢度有好多🌱🌳🪴💚我同朋友兩個女仔lunch時間嚟食，唔算太多人，唔使等位就入咗去🙊好彩，而家好驚等位等好耐😂一入到去比成個環境吸引住，好Fresh🈶️好多綠色，最吸睛嘅就係畫咗龜背竹嘅牆，周圍仲親托住真真假假嘅植物🪴我哋揀左兩個set lunch ，寶雲酥白鱈魚柳菠菜忌廉汁烤椰菜花飯同澳洲有骨肉眼紅酒汁配薯菜。兩個賣相都好靚，尤其係薯菜，五顏六色好吸引👍🏻肉眼好大塊，我叫咗五成熟，肉質同味道都係好食嘅，🈶️濃郁嘅紅酒味，朋友個鱈魚柳都好香，而且魚肉係結實有口感😋另外我地揀咗一個湯同一個沙律🥗沙律菜嘅款式都好多👍🏻再加埋兩杯咖啡，我哋食到超級飽😂整體都好滿意，而且呢個價錢算貴，下次會再encore☝🏻

是日邀得家父共晉午膳，佢聲稱佢係我嘅榮譽手毛。咁啱去開旺角，就去朗豪坊隔離嘅朗晴坊搵食。一向對旺角啲樓上cafe極有保留，印象中幫襯過嘅食物質素都普通，仲要嘈過街市，傾計要出動鄭家穎呀呀呀呀呀。今次試呢間位於7樓嘅西餐廳播住輕快嘅韓文playlist，充滿田園風、主調為綠色嘅裝潢，配合植物擺設，予人悠閒舒適嘅感覺。餐廳大部分座位都係用籐編織成嘅凳，仲有高枱添，坐窗邊如果天氣好仲有陽光照入嚟 。一點去到無咩人，一點半開始好爆滿，好彩座位尚算寛敞，枱同枱之間有一定距離，唔會好嘈。午市套餐選擇豐富，包湯/沙律同埋飲品，價錢合理，去開附近搵食絕對可一試。澳洲有骨肉眼紅酒汁配薯菜 $108唔記得咗揀幾成熟，驚太熟太韌。結果塊扒大過隻碟咁濟，雖然筋比較多，但整體肉質唔錯，肉味濃又juicy，配埋紅酒汁調味恰到好處，呢個價錢絕對收貨有餘，連家父都話抵食，非常推薦！伴碟嘅薯菜竟然烤蔬菜而唔係薯條，啱曬怕熱氣嘅我。蔬菜種類多，全部都係一口size，色彩繽紛，賞心悅目，令成道菜嘅賣相更靚仔。特別點名呀南瓜超甜，好好食，如果啲菜再熱啲就好嚕。烤大啡菇芝士自家製牛肉麥漢堡配香料薯條 $99麥包偏甜，口感鬆軟，

同啱傾嘅朋友相聚嚟咗呢間《Romanne Leisure Food Concept》，味道真係好味到不得了😋除咗好味之外，仲要係食材配搭得非常健康👍🏻真係估佢唔到😃我哋分別叫咗兩份lunch set，每份set包括餐湯或沙律是日精選餐湯係甘筍湯，質地較杰身！一入口已經飲得出係用新鮮甘筍打成嘅濃湯，好驚喜🤩從未飲過咁濃咁鮮甜嘅甘筍湯，正👍🏻大大碟嘅沙律，呢個份量真係好不吝嗇！顏色配搭夠哂鮮艷🌈食材全部都非常新鮮！配上凱撒沙律醬，簡直令人開胃😋非常有水準👍🏻🐮澳洲有骨肉眼紅酒汁配薯菜超大塊嘅牛扒，配上豐富蔬菜，有茄子、青瓜、車厘茄同南瓜，仲有薯仔，全部都好新鮮！肉眼扒煮到大約七成熟，入口肉質簡直係軟腍無比😚牛味濃但又唔羶👍🏻雖然有少少根，但全部都可以𡁻到入口！以呢個價錢可以食到咁高質素嘅肉眼扒，真心覺得非常超值🤪🍔烤大啡姑芝士自家製牛肉麥漢堡配香料薯條嘩🤩估唔到有咁大份嘅burger，仲要係層層都係用料十足，好誇呀😆仲要係全部都係厚切喎🤩自家製漢堡扒肉汁濃香，入口牛味重，配上芝士同千島沙律醬，味道變得更有層次，食完出奇哋唔覺得膩，毫無罪惡感😂選用麥包嚟做漢堡包皮，食入口已經有淡淡嘅麥香味😋

旺角高質抵食西餐廳😆今日同朋友出咗旺角行街，晏晝想搵啲高CP值嘅餐廳🍴食個靚靚哋嘅午餐，坐低傾吓偈🥰鮮蝦🦐鮮魷魚🦑紐西蘭鮮蜆🐚喇沙稻庭烏冬$88非常有驚喜嘅烏冬🍜海鮮食材真係非常新鮮，而且份量好多，蝦同埋魷魚爽甜，蜆肉冇沙👍🏻喇沙湯底非常濃郁，帶有椰香味🥥誠意十足💕烏冬煙韌掛湯，真係冇得輸，一定要試！澳洲有骨肉眼🥩紅酒汁🍷配薯菜$108肉眼扒比較薄，帶少少筋位，不過牛味幾濃🤓煎得啱啱好，仲有少少肉汁🥳不過最欣賞都係薯菜😆好少見到旺角Cafe嘅薯菜做得咁有心機👍🏻有雞髀菇，意大利黃瓜，茄子，焗薯🥔顏色豐富得黎，亦比起普通Cafe配菜更加多元化同埋有心機💕👍🏻餐湯有甘筍湯🥕跟餐包一杯飲品環境方面，餐廳有吧枱同埋普通枱櫈，坐得幾舒服，而且牆身有綠葉🍃嘅圖案，感覺格外清新😆最近餐廳1週年仲搞咗個店慶😍晚市去唔同分店消費時影相同影埋單據📸️upload上網上平台 指定post就有機會攞到頭獎入住rosewood😍😍仲有晚市套餐券添！總括而言， $100左右食到高質素嘅午市西餐真係物超所值👍🏻仲要喺朗豪坊隔離咋😆有興趣嘅一定要book mark定啦😍