二家姐正宗原味麻辣火鍋

营业中

休息中

對於我呢個港島人來講，過親九龍新界都會盪失路，所以如果唔係朋友帶路，真心會搵唔到間舖。朋友講到我一定會鍾意，所以趁今晚喺附近睇完show就跟咗佢過來滾滾佢～聽說不遠處仲有間，不過呢邊新，禮拜日晚嘅人都應該為全新禮拜一補眠緊嘅時間，我哋來到嘅時候冇乜客，只聞隔離Vip房內載歌載舞，似乎係有人慶祝緊生日。佢哋呢到應該有兩間Vip房，未有緣參觀一下。既然係朋友介紹得，梗係要佢order埋比我試試佢啦～打邊爐最緊要係個湯底，不過食物唔食辣呢家嘢真係蝦仁炒蛋㗎，為迎合眾人要求，二家姐都比人揀，有得鴛鴦鍋，外圍係麻辣湯底，內鍋係藥膳清湯鍋。二家姐的細心⋯⋯款式新穎，實用性超高，用完即棄嘅圍裙呀，為各位姐妹照顧周到。然後上菜了～唔知睇相大家有冇睇清楚，件豬扒成個巴掌咁大，紋理清晰可見，肥瘦均勻，滾完之後入口唔會韌，仲有好濃郁嘅肉味。如果睇過我之前嘅食評都知道，小女好喜歡食魚皮餃，來到呢到都一樣唔例外，雖然朋友好似十萬個唔願意就我咁，但我都堅持叫咗。原來佢真係咁熟悉啲味道，唔知點解總覺得個魚皮餃爭啲啲，又可能其他嘢太好食，蓋過晒魚皮餃嘅魅力。瀨尿蝦都係我至愛，估唔到二家姐嘅呢味咁特別，朋友說一定要試。