齊柏林熱狗店 (天盛商場)

营业中

休息中

又係幫襯小店系列，收工又唔係太肚餓都係買快餐，又唔想食黎食去都係m記，聽講呢間齊柏林熱狗店都好多好評，今日一於試下啦。餐牌同有少少改動同網上睇有d唔同，主要都係跟套餐小食果part問題不太大，改左1定要選1款飲品，之前係加12蚊可選2款小食或飲品，對於我外賣返去而屋企本身有野飲既人黎講就2款小食抵d。火炙芝士辣肉醬熱狗，由於外賣返去其實d野都凍晒，所以我擺落氣炸鍋輕輕整返熱黎食，熱食好食得多，熱狗包外皮少脆入面都幾鬆軟，熱狗腸好大條肉質幾厚實，辣肉醬既辣度好輕微，唔食得辣既朋友都應該接受到，另外都加左d芥末醬黎調味，成個熱狗既口感同味道非常豐富，真係好食，唯獨係d芝士凍左難做到拉絲效果，始終唔係即食點都差d。細薯條，又估唔到個細薯條份量都唔少喎，仲要用粗薯條，薯味好足，但外賣返黎焗到又淋又水，我都係用氣炸鍋去返炸佢，炸返脆就上碟，鹽都係我自己加上去的本身無，醬料分開上，茄汁溝少少好似千島醬咁既。飲品就要左zero可樂，呢個就唔多介紹啦。成個餐就57蚊，但食材用得好同份量都足，相對性價比都高，缺點係無得堂食所以外賣返去都要自己整返熱食先好食。

😋火炙🧀🧀辣肉醬🌭 $46 （+$8 換匈牙利腸） 烘過嘅包底夠曬香口🤤，表面鬆脆裏面就好鬆軟😈表面層芝士用🔥炙一炙，濃郁既芝味出曬黎😍一啖咬落去, 粒粒肉碎✖️辣肉醬, 中和咗芝士嘅油膩感, 令人愈食愈開胃✅✅✅ 🇭🇺熱狗腸夠晒粗, 而且卜卜脆皮，咬落口感好🈵足‼️好食指數8/10 推介指數9/10😋芝味熱狗🌭🌭 $42 (+$8 換荷蘭粗腸 ) 芝士呀!!! 好邪惡嘅🧀🧀🧀🧀瀉出黎啦💦咬一啖，嗯～食落唔覺好膩啵👀咬多啖，甜甜既栗米粒夾埋香濃既香濃🇳🇱腸味，真係超夾呀💯💯💯甜而不漏用黎形容個包係超貼切呀❣️ ‼️好食指數 9/10 推介指數 9/10 😋澳式風情熱狗 $42味道好豐富呀，因為有滿滿既煙肉同菠蘿，可以用勁足料去形容呢個包😋😋醬料用我最❤️千島醬, 食到我lam lam脷👅👅👅 ‼️好食指數7.5/10 推介指數7.5/10😋洋蔥圈🧅🧅🧅 $23唔好以為外賣炸物會變「淋」❌❌洋蔥圈炸得好脆口，十分鐘⏲路程都仲脆卜卜架💥💥💥‼️好食指數9/10 推介指數9/10