賦湯稻火

营业中

休息中

正正正尋日口淡淡，去到大角咀附近經過一間火煱店，俾佢既門口吸引。見到個餐牌入面有個"精選海鮮套餐"，價錢好抵，只係$268/位，所以就入咗去試一試。入到去，馬上落單(2位精選海鮮套餐、唔該)。侍應好快就送上調味架，都好多選擇，讚！！ 搞掂調味既醬汁後，個火煱已經來到，好吸引！火焰醉蟹湯底海蟹，花甲，蕃茄，薯仔，洋蔥，粟米，各種食材都很新鮮，加上用烈酒炒香再淋上雞湯，真係不得了。跟著再上"五式海鮮拼盤" 包括• 海蝦 • 鮑魚 • 花姿片• 廣島蠔 • 脆肉鯇片款款都生猛彈牙，正!另外必食之選 • 日本雞頸肉 是刁鑽的部分，又幾好食喎！當海鮮食到一半，又有另外既"安格斯肥牛掛架"超吸睛，打卡一流。當然口感嫩滑，肉味濃郁啦！如果唔食牛肉可以揀以下兩款• 黑豚肉• 羊肉片(三選一) 繼續重有新鮮野食物上檯：• 自家製手打牛丸，魚旦，韭菜餃魚旦和手打牛丸彈牙，韭菜餃香濃爆汁。炸響鈴 即叫即炸，脆卜卜，火鍋必叫之選。田園雜菜盆平衡一下，蔬菜不少得。總括來說，食物質素高又新鮮，價錢合理，環境舒適，真係會回頭再次幫襯。

大角咀我甚少到訪的區域，但其實臥虎藏龍，今晚就試一家火鍋店「賦湯稻火」。火鍋店設有卡座和VIP 室。環境舒適又衞生，可以慢慢食慢慢傾的好地方。見有個精選海鮮套餐$268/位，湯底，食材， 醬料，茶介全包。價錢都合理，一於試試。火焰醉蟹湯底鍋內放有海蟹，花甲，蕃茄，薯仔，洋蔥，粟米，店員下酒燃點火，用熱力炒香食材後加入上湯。滾起後先嚐一口湯，味鮮濃後，然後再食鍋內花蟹和花甲。接著是五式海鮮拼盤，包括有彈牙海蝦、新鮮鮑魚、爽口花姿片、肥美廣島蠔和脆口爽肉鯇片，款式甚多又新鮮。安格斯肥牛掛架賣相甚有睇頭，肥牛脂肪比較剛好，食下去嫩滑，不會油膩，牛肉味都很濃郁。另外，店員推薦必食之選：日本雞頸肉第一次品嚐到雞頸肉，經八分鐘的浸泡，嫩滑有彈性，完全不像普通雞肉，口感有驚喜。自家製手打牛丸，魚旦、韭菜餃牛丸爽口彈牙，魚旦同樣爽滑彈牙。韭菜十分香濃，真材實料。炸響鈴即炸響鈴，吸收了湯汁的鮮味，真係冇得輸。田園雜菜盆 皇帝菜新鮮，粟米甜美，火鍋不可缺少的一環。總括來說，這個價錢相當合理，相信很快再回來光顧。