瑞記咖啡

营业中

休息中

準備去昔日警察總部的大館展覽館參觀，先在上環市政大廈熟食中心食過早餐。朋友帶我去的是一間頗有人氣的傳統中式茶記，因為約了十一時，其實我們都在家裡先食了點東西才出來，所以只要了一個蛋牛包($17)及火腿炒蛋($18)，當然還少不了的是我們醉翁之意的招牌樽仔凍奶茶($17)。樽仔凍奶茶頗有特色，紅茶味道濃郁，但兩樽顏色有些微不同，應該是落奶份量多少的分別。蛋牛包面頭烘得脆，中間也很足料，鹹牛肉及蛋也炒得熱烘烘的，味道適中。火腿炒蛋也是熱騰騰的，蛋的份量相當多，稍嫌油多了些。食完後就出發去參觀大館了。

上環街市頂嘅熟食市場有一間幾出名嘅冰室仔，成日都有人嚟朝聖終於有機會試吓。呢度真係街市食肆檔嘅格局，平凡不過，但牆身上嘅手寫餐牌還是值得一影。睇吓個餐牌，極平民價錢。呢度以樽仔咖啡/奶茶聞名，仲有西多士。其實咖啡無乜特別，但就係個樽仔夠復古加咗一倍分，風味獨特。呢度嘅西多士係兩片麵包搽上牛油同埋蛋漿獨立煎嘅，同出面嘅西多好唔同，中間亦無夾任何餡料，淋上煉奶。咁簡單嘅配搭竟然出奇地好味！ 咬落去好香口，正！火腿炒蛋就普普通通。另一加分點係蛋牛治，佢嘅咸牛肉唔係就咁搽上片多士上，而係加咗蔥花撈埋落啲蛋度一齊炒，咁樣就唔會好似就咁搽落去麵包度食咁咸，好有心好味呢啲味道嘅餐廳響香港買少見少，繼續支持

相信唔少人聽過‘瑞記咖啡’呢個大名，香港地，有好多懷舊控，好鐘意懷舊嘢、復古嘢，蕃薯妹都唔例外，對懷舊風情嘅小店情有獨鍾。瑞記其實響蕃薯妹上班嘅地方附近，今次襯老闆出差，跟同事嚟咗朝聖店仔細細，食客滿滿。瑞記位於上環街市頂層嘅熟食區，裝修簡陋，卻滿滿舊香港風味。單單係一個手寫嘅餐牌，已經足以令蕃薯妹影咗10分鐘響上環嘅食肆嚟講，價錢已經好親民。樽仔咖啡 $15 你問我個咖啡係咪好香濃、好滑，我真係覺得唔係特別香滑，但係飲緊嘅係香港人情味。蛋牛麵 $32滑牛好滑，煎蛋係燶邊蛋，蛋黃差不多全熟，如果蛋黃係流心會更完美。 麵係出前一丁，煮得啱啱好唔會太淋。西多士 $26瑞記招牌菜 - 西多士，兩片麵包炸到外脆內軟，中間並無夾花生醬或咖央醬，就只單單加咗牛油同煉奶，但係出奇地好味火腿炒蛋 $18外表平平無奇嘅火腿炒蛋，原來都好好味！裡面嘅蛋汁未熟透，好滑漏。推薦俾大家，值得一試