圓鐵板燒 (已結業)

行完新世紀廣場，就去food court揾食啦，見到一間好似好高級既鐵板燒餐廳，但價錢唔貴，就入左去試下啦餐廳只有2個鐵板爐前面既吧台可以坐，圍住個鐵板爐坐，可以近距離見到師傅為我地烹調食物，但唔好既係冇乜私人空間。坐低之後師傅會係每人面前的鐵板上放一張錫紙，燒好既野食就會直接放係上面，除左可以洗少隻碗，仲可以令食物長期保温我叫左個鐵板燒牛柳套餐(M8)$92，跟餐有餐湯、白飯同炒雜菜。湯係海帶清湯，冇落到味噌，師傅會將牛柳切粒，方便食用。牛柳我叫左7成熟，但上到來變左全熟，囗感有d鞋，後期更比個板熱到老晒，而且個黑椒汁調味唔係好夠，令牛柳整體有d失望。個炒雜菜味道正常，囗感亦爽脆。我男朋友叫左個鐵板燒雞扒套餐(A餐)$98，跟餐有餐湯、白飯、炒雜菜、鐵板魷魚&蝦仁，同埋汽水，都算係幾抵食既。雞扒肉質嫩滑，雖然都係黑椒汁，但調味比牛柳出色，不過不失。全部野入面最好食既只有跟餐既鐵板魷魚&蝦仁，比較入味，醬汁亦比較香濃。以價錢而言，食物質素都還可以，都可以一試。我建議若果食牛扒類，可以叫師傅用碟上，如果唔係既話牛肉會比個鐵板愈燒愈老，而且應該order比自己平時食開既少一兩成熟，以免浪費