Barg (已結業)

銅鑼灣耀華街多嘢食之餘都好多人，難得今日下奏遲咗食lunch，就是在呢間喺百樂中心嘅西餐。餐廳門口佈置好有聖誕氣氛。先嚟嘅係餐包，佢哋嘅牛油加咗香草，食落特別香。我同朋友好肚餓，所以叫咗炸薯條配松露醬做前菜，薯條炸得好夠脆，粗得嚟有少少薯皮，點黑松露mayo sauce定茄汁都好好食。之後仲叫咗個牛肉他他配鵪鶉蛋，牛肉他他加咗少少茄汁，上面有鵪鶉蛋，撈埋食更加香。他他嘅肉粒大細不一，咬落更加有口感。配菜就有火箭菜沙律。嚟到重頭戲美國頂級厚切肉眼扒配焗薯，我哋叫咗medium well，肉質粉嫩之餘外面有濃濃嘅焦香味，配有燒汁同芥末醬，配菜焗薯仲加咗煙肉。食咗咁多邪惡嘢，我哋另外叫咗一碟炒露筍，非常鮮嫩。

一間氣氛不錯的餐廳位於商厦內，鮮黃色的梳化另人看上去格外精神，還有輕鬆的音樂伴美食，這頓午餐太捧了。百多元的午餐在區內可見不少，競爭相當大，要突圍而出一定要有水準才可俘虜食客的心。紅菜頭湯每啖散發草青的味道是我最鐘意的。清甜好味，加上茸茸的口感好細滑。酒煮蜆意大利麺蜆隻雖然細小但好鮮好甜，還感受到海水的鹹香。意大利麵硬度適中，每條滲入了酒的香氣。👍另選了兩款side dishes, 炒露筍和冬菇。兩者都有微微你牛油香，調味方面恰到好處，不會過火。露筍非常鮮嫰，而冬菇炒至散發出菇香。Tiramisu意式的Tiramisu份量頗大，好抵食。好有濕潤感，酒味香濃，屬於傳統的做法。😘Cappuccino 又是我的至愛，一日兩三杯走不了。入口香濃，泡沫細緻，不錯。

一嚟到門口已經覺得好有聖誕氣氛，入面到嚟，啲櫈背全部都有唔同嘅圖案，有巴黎、英國、蝴蝶等，窗旁放滿吉嘅酒樽，簡約舒服南瓜甘筍湯配蒜蓉包就咁望，個湯比較杰，但飲落係極軟滑，南瓜及甘筍味道都好濃郁，就算飲完都好有after taste😂意式白酒煮蜆扁意粉 ($108)第一眼覺得，咁少蜆嘅？扁意粉就咁多？撈起後先發覺怪錯人哋添！原來十隻肥大嘅蜆喺晒底啊！店員話係用美國馬拉蜆，鮮味十足又肥又甜而且冇煮得過火，食落仲非常滑溜；辣椒雖然唔多，但原來食落都頗辣，如果辣椒可以少啲，多多多多啲蒜片咁就完美啦😋 扁意粉極乾身而且有啲al dente效果，食食吓真係有啲辣，靈機一觸，橫掂我叫咗炒雜菌及蘆筍做side dish，撈埋一齊食咪得囉！雜菌有濃郁嘅菇汁，蘆筍又有好多蒜粒，撈埋全部一齊食仲好味啦😋Mocha (+$10)朱古力味濃郁，會遲少少先飲到咖啡嘅味道，幾有層次！有睇開我食評嘅朋友都應該知道，如果店員喺我講“唔該”後會講返句“唔使”嘅，我係一定會喺食評嘅最尾嗰度大力讚揚嘅！今日總共有兩位店員serve過我，兩位都非常斯文有禮貌，最重要嘅係，兩位每次都有講“唔使”👏！最鍾意去啲食物好味，環境企理，