巷·弄 (已結業)

台灣好多隱世小店都會開喺巷弄間 呢間台式小店都唔例外🤪小店主打台式飲品同食物 木系簡潔style🪵而家仲推出左台式一人鍋物 冬天食暖笠笠🥳.📌祕製香煎雞扒飯 $62啲飯唔淋但飯底好多油🥲不過飯好多 雞扒厚肉 好抵食😚肉質唔鞋夠嫩滑 煎得好香 仲有少少咖喱味🥘西蘭花係白烚 好淡味🙈每個飯都跟配菜 炒蟹味菇好香好滑 大豆芽就正常😆.📌酥炸大排骨飯 $63豬扒好薄身 外脆內軟幾juicy🐷酸菜唔鹹 撈埋個飯啱啱好😝滷水蛋都好入味🥚.📌鹽酥雞肉燥飯 $65鹽酥雞炸皮正常厚薄 炸得好脆好juicy🥰肉質滑 唔會好鹹😋啲肉燥鹹鹹地微甜 肥瘦適中 唔會係一patpat😎.📌炸五香肉卷 $48內餡係黑豚肉整成一條腸咁 再用腐皮包住🫔炸得唔太脆 入面仲要炸得未係好熟 食落有少少生粉漿喺度😢仲有啲馬蹄 但整體味道唔太啱我地口味🙈旁邊係酸甜醬 都幾夾嘅😛.📌炸雞翼 $20跟餐可以加小食一份😝炸得幾香脆🐔.📌是日特飲 跟餐會送紅茶/綠茶/是日特飲🥤今次飲左蜜桃綠茶🍵少甜唔會好甜 蜜桃味好出🍑

果日早放工去左搵美食，想食得平平地但又唔hea，台灣菜真係至佳選擇😆閒日的下午一個人都沒有，可以慢慢享受😎🔆台灣紅燒牛肉麵$𝟞𝟠 本身睇佢個麵好似有d乾，但食落個質感又幾好同掛到湯😋牛肉有兩件，軟腍有jelly膠質🥰湯底濃而不嗆，好似辣但飲落又唔辣🤣🔆南部魯肉飯$𝟝𝟠 呢個對比起其他無咁大驚喜，魯肉半肥瘦，肉腍到我撈完就同個飯融合左😅呢個唔試都得，但如果撞岩tea time可以叫個細嘅食🔆黃金炸饅頭+$𝟚𝟘 原本都打算單叫呢個小食，之後見到原來套餐叫咁抵😭饅頭外層炸到金黃香脆，加埋鍊奶真係極品🤤又抵又好食💯🔆炸五香肉卷$𝟜𝟠 呢個外層腐皮炸得好香口😍裡面是黑豚肉餡料，覺得個味好似一種酒樓點心但諗唔到邊隻，可能係腐皮卷果d😂🔆多多綠茶好鍾意多多系列的飲品，但覺得多多味可以再加重🤣🥰呢間意想不到質素唔錯😳除左套餐前菜唔係幾岩我口味🤣另外可能果日無人坐得幾舒服👍🏼係會想推介比人同再訪嘅餐廳

🇹🇼以前年年我地都最少去一次台灣，而家咁耐都冇得去，真係好掛住台灣美食呀，今次又搵到一間食台灣菜嘅長沙灣良心小店- 巷·弄💛 我地先點咗個➡️"12小時慢煮豬軟骨麵"，係店內嘅招牌菜之一，豬軟骨好淋好入味，份量都好多，湯底用咗自家改良嘅紅燒牛肉麵湯底，用二、三十斤牛骨加香料熬近12小時，可想而知幾咁香濃!麵身就好煙韌彈牙，搞到好想狂食d麵🤣🤣主食仲點咗➡️"巷弄滷香雞脾肉燥飯"，肉燥份量好多，肥瘦適中又唔太乾，撈飯食岩岩好，不過個雞脾就一般，老咗少少同少嚡, 下次都係叫返麵好D😂加埋個小食➡️"炸五香肉卷"，呢樣比較少見，所點黎試下，幾有驚喜！外脆內軟，食落質感有d似蓮藕餅，點埋酸辣醬食又幾惹味！👍🏻👍🏻

其實我就住呢頭，見佢開咗一段日子，但舖頭成日冇人一直擔心係伏。今日的起心肝嚟試，兩個字，好掂！牛肉麵湯好濃，我差唔多飲晒。（大食🤣）麵有質感同咬口，唔係淋patpat果種。牛肉中間有夾住d筋，好淋！下次我會叫淨牛肉麵😎另外個炸五香肉卷都好好味，係腐皮包住肉同沙葛拎去炸。珍珠奶茶比一般飲品店嘅少甜，冇乜奶精味，但好夠茶味。呢餐我會比99分！（扣1分係因為冷氣唔夠涼😜希望大家支持下呢類有風味有特色嘅小店♥️