海潮食堂

营业中

休息中

已翻兜舊式茶記，獨特茶餐味道很讚，推爆蔥花蛋治😚！・・・・・・・・・・・・・・・・・・・・🍳 蔥花蛋治 HK$30・味道：重蔥，愛蔥人士入！蔥同蛋幾乎1：1，極濃蔥香，好正！蛋味重啲更好～・口感：多士烘底加爽脆蔥花，蛋唔鞋唔嫩啱啱好，食落不錯～💛 炸燒賣 HK$18・味道：正常炸魚肉燒賣，個辣汁幾惹味，除咗辣外仲有陣鹹香，不錯欸食食下就食晒。・口感：都幾脆口同時幾滿足，魚肉燒賣塞爆口嘅感覺XD🐮 牛腩蝦條煎米粉 HK$58・味道：牛腩用腩汁同辣汁醃得好入味，入味到食耐咗有啲鹹。煎米粉幾香口而且唔會好油，點腩汁食幾正。蝦條就係南記嗰款XD・口感：牛腩好多但都幾重口味，未到食到肉絲但醃咁耐就一定鞋口㗎喇。煎米粉乾爽脆口唔油，食緊米餅咁，蝦條幾彈口～🐔 手撕雞五香肉丁撈通粉 HK$58・味道：呢個就真係有啲太油😖味道好食嘅，不過唔係手撕雞係蔥油雞😅。加埋五香肉丁，兩款都好油就搞到食咗陣就食唔落，同波妹share都食唔到半碟⋯⋯成個底都係油，油量控制下就perfect池了～・口感：蔥油雞幾嫩滑，蔥油都仲keep到蔥嘅爽脆。係真心太油了～～～🍋 鹹檸檬+西柚汁 HK$24・味道：老細推介的，me

一坐低無耐，老闆就問準備好未，好在前一晚就背定餐牌，爽快就點左炸燒賣，牛腩煎米粉，蔥花蛋治，冰啡樂，然後老闆就問要唔要魔鬼奶油多，其實呢個都係wish item，不過驚點太多食唔晒，諗住下次再嚟嘅，老闆係我猶豫個陣就話：寫個薄嘅比你試吓啦，好食架，寫左啦咁就老屈左……不過屈我啦屈我啦，我無問題架蔥花蛋治個烘底真係不得了，係真脆，唔係烘到乾然後𠝹損口嗰種，滿滿蔥香，我地覺得咸左少少魔鬼薄多士，本身係無牛油，牛油要加$6，我覺得牛油係must，如果唔加，件多士只有甜味，呢個薄多士神奇嘅地方，除左面頭有華田粉，係薄薄嘅多士仲可以切薄加入餡料，不得了炸燒賣又係驚喜，外脆內軟，個皮係脆嘅！唔係炸到乾嗰種，配埋不多不少嘅麻辣油，正牛腩煎米粉，梗係要欣賞嗰對蝦條眉同笑容汁，牛腩係分開上，原來係會加一pat蒜蓉，即刻搵周一腹𢳂走佢，唔好污染我啲牛腩，裡面有啲牛筋，全部都好淋好入味，煎米粉好香口，就只係蝦條炸得比較乾冰啡樂相比就較普通，本身係2/3杯凍啡+罐可樂，即係飲到咁上下就加返啲可樂，飲到後尾就係得可樂味啦最後想講，姐姐係超級好態度，幫我地收走餐碟時，都會問：食完未呀，食完幫你地收左先；見我地枱面

大概一個月前，某星期六兩點，去到門口排住六人左右，烈日當空，佩服佢地，但我，下次先啦～今次星期五三點半，食到啦掛～人流：有得即入，但都係爆晒，被安排一個角落，後來有客人走，店員好好人會問我地搬唔搬位，不過食物黎左一半，廢時啦～環境：有冷氣的茶記，一定迫啦，但有冷氣，係排隊會冇遮冇掩啫，而座位感覺唔算污糟，冇咩痴粒粒感覺服務：除左問我地搬唔搬位，坐底時見我地唔知食咩好，店員努力地介紹而冇壓迫咁，即使我地揀得慢又唔會催人，後尾有張櫈free左出黎仲叫我地放低書包，雖然全部唔係年青人，但絕冇一般茶記粗聲粗氣食物：太多野想試，爭扎左好耐之後叫左四樣～好多篇都介紹食呢個，個味好正，好新鮮嘅口味，麻辣味香得黎唔太辣，粒粒通粉都有味，食完唔覺太油，雖然五十二蚊一碟通粉貴左d,但好足粉料，雞多五香肉丁又多～七粒十三蚊唔貴，最正係加左少許麻辣油，無諗過成件事可以咁夾又係跟呢度d人叫嘅，真係好好食，蛋夠香夠滑，多士香脆得黎唔會話一放入口好熱氣嘅感覺，因為我身體對熱氣好敏感，重點係d蔥香到一個點點解咁都比佢諗到，個base其實係奶油多，本人覺得落得多又太甜，落得少又冇味，呢個落左阿華田粉解決左太甜嘅感覺，仲

係觀塘搵食...要好吃...很難找! 和同事說看到有人推介穩世小店, 誰知大家都是說同一家, 那還好不用想午餐吃什麼!約下午1時40分左右到, 小店外沒招牌, 需要靠OPENRICE的照片才找到, 紅色磚易認!餐廳內環境比較狹窄, 枱與枱之間很貼近, 我們一行4人剛好有位, 看到約當家餐廳內的人客都是叫同一樣, 所以我們一樣牛腩蝦條煎米粉  X 4牛腩加了生蒜稍為有點辣, 牛腩很淋很入味, 但過咸, 吃後要喝回很多水 蝦條未覺突出, 蝦味不出, 口感不過不失煎米粉是最出色, 雙面煎2面都脆口, 內軟還有小小水份乾, 本身米粉沒味只有口感, 加了醬油味道不錯我們另外叫了炸燒賣, 味道沒什麼特別, 炸得有點乾. 吃起來有點熱氣 另外, 重點要說的是可樂溝咖啡, 本身抱住拉肚子的心態也想試試, 誰知道很好味也沒有拉肚子!呢個配搭很驚喜很難忘, 有再想喝的回味整體對女士說碟頭大, 一次不能試太多, 相對價錢尚算合理, 還有很多招牌菜, 下次會再光臨! 

海潮食堂 @ 觀塘想黎呢度好耐…不過幾次都出師不利。今日終於趕到黎…(都見到網友話件蛋治鹹得好緊要，亦都做定埋心理準備)坐低左老闆就走過黎落單…好有禮貌👍。我就叫老闆介紹下有乜好食…咁佢就介紹左麻辣牛筋拼蔥油手撕雞撈公仔麵，魔鬼奶油多，蔥蛋治，飲野就熱奶茶同鹹吉仔西柚汽水。我跟手就同老闆扮下friend話XX介紹🙂🙂🙂…最後當然有jetso先黎魔鬼奶油多…老闆就過黎幫手切好多士，之後黎左個炸燒賣🤔🤔…老闆話佢請😍😍。燒賣有麻辣醬，唔錯！跟手試下個魔鬼奶油多，多士上有沙糖，煉奶同柯華田粉，多士好薄好脆，加左柯華田粉味道唔錯。蛋治就好重蔥味，蛋唔太香，蛋治係由幾塊薄多士整出黎，而多士之間有一層好厚既牛油，味道會香少少不過又會肥膩少少。至於牛筋就好腍好入味😋，蔥油手撕雞就一般，個蔥油唔太香…食完感覺仲差少少先飽就點多個牛腩蝦條煎米粉…可惜牛腩沽清就改左做豬軟骨。黎到時見到米粉有雞蛋一齊煎，煎到感覺好似兩面黃咁…蝦條老闆話係潮州食物…味道就一般。豬軟骨就好腍好入味…老闆建議煎米粉加入豬軟骨汁一齊食…試左咁食味道唔錯不過重口味少少。鹹桔仔西柚汽水幾特別…不過如果多一粒鹹桔仔會好D…因為宜家桔仔味