宮崎日式燒肉店 (已結業)

一班食肉獸，當然要放題仼食先滿足到我地，係openrice都搵左一輪食邊間好，發現有d食過既都執左笠，考慮到地點，價錢，質素之後，近近地就決定試下宮崎。book左7:30pm,$288加一 價錢唔算平，但勝在位置方便！有壽司刺身炸物，出面仲有自助小食區刺身麻麻地，三文魚無紋，有d懷疑佢係咪真正既三文魚，帶子又薄切，一片仲要開二塊，好唔掂炸蠔，好腥，唔新鮮，尤魚鬚又凍既重點既二人同行三選一食材，咩仙境豚，憤怒牛，大頭蝦豚同牛既賣相。。完全同menu差好遠，尤其個憤怒牛，滴住汁定唔知血水咁上台，見到已經唔想食，仲話三選一！豚肉好少少，但無味。比較正常係大頭蝦，真係成個爐咁大隻。放埋一碟，唔知邊隻打邊隻，左上角果隻比較好小小，牛胸腹肉？得佢比較淋，其他都好有𡁻頭豬全部都係豬，見到件件都有層咁厚既肥膏，已經飽晒比較正常既都係海鮮，唯一唔伏兩個鐘就趕你走，食到中段，餐廳仲邀請左兩個朋友仔係牆邊出黎同大家見面🦗🦗，真係好有驚。。。喜😪😖

約朋友食飯，最重要係可以傾下計，唔想次次食火鍋，燒肉放題就係我同朋友之間既不二之選，今次簡左間方便大家集合既燒肉放題。齊人後，大約等十五分鐘就可以入座，飲品任飲，有我最愛既冬瓜茶。每兩個人就有一份仙境純情豚或憤怒火牛仔，四個人岩岩好可以各要一份，雖然豚肉同牛肉都係薄切，但牛肉本身肉味十足脂肪比例均勻，而豚肉既肉脂比例平均入口肉香十足。如果有人生日仲有份次次都唔同既食物送，今次我地就係象拔蚌刺身，非常鮮甜爽口。而個別叫既刺身都唔錯，唔會有好重雪味，份量十足。牛肉羊肉豬肉雞肉海鮮有好多款式可以選擇，包有一種岩你口味，一定岩哂鐘意食肉既大家，其中我覺得帆立貝同海蝦非常鮮甜又夠大隻，必點。仲有各式各樣炸物小食，當中雞泡魚干係燒肉放題中比較小見，可以一試。最後用燒菠蘿作結尾，係一個滿足既句號。

呢間應該好多人認識亦都應該好多人去過，之前銅鑼灣都有而家好似執左，我個人覺得質素算中上級數。基本上去親都唔使等位，間野唔差真係唔知點解打開餐牌，見到的都有得食，睇中邊款就叫，無限制唔怕中伏。每人送一隻虎蝦同一杯飲面，成對筷子甘長！如要再飲要加錢 一黎就啪隻溫泉蛋，正！燒牛柳牛味重又林，炸物普通，但比舊吉列蠔陰左，咬落去時蠔汁熱到嘴起pop。埋單平均每人都要接近$300