好運泰國美食 (已搬遷) 新店位置

閒來無事做，最好搵食試新嘢，依間普通小店，坐位不多，估唔到看似普通的食材，煮出來的食物又唔錯喎！除了食物之外，店員亦很親切，感覺就像街坊一樣，最重要價錢亦好親民，嘻嘻..."無⻣鳳爪沙律拼炸蝦餅" 無骨鳳爪又爽又夠酸辣，正！而炸蝦餅同平時食開有些不一樣，表面好脆，內裡蝦肉好鮮味，彈得來又鬆鬆的口感，唔會太實心，得喜歡。"炸皮蛋球" 我好鐘意食皮蛋，一食就知這裡的流心皮蛋值得比好高分，外層被蝦餅包住，外脆內軟，口感豐富，真係好食...好好食。"泰式炒通菜" 今期通菜好鮮嫩，加上少少辣味道剛好，又炒得唔太油，唔錯。"泰式鹹魚炒飯" 用咗芥蘭粒粒炒飯，第一次試又幾爽口喎，加埋鹹魚的鹹香味，又好夾，最重要炒飯唔會太鹹，又加分。"柚子果纖蜜" 唔會太甜，果纖又有口感，加上柚子感覺都幾健康。

最近工作很忙，很久都未能抽空陪家人外出晚饍，幸福的我今天被愛了，爸爸媽媽來接我收工，一起去食泰國菜。這間小店每日午飯時間都爆滿，難得晚飯時間有機會來一試。雖然坐位不多，勝在店員很親切有禮，食物質素也很好，最重要價格也很親民。泰式豬手：當然要揀款廚師推介試下，個滷水汁味道又幾好，啖啖肉，皮又唔肥膩。炸皮蛋球：個人喜好，我只係食流心皮蛋，流心有少許滑滑的香濃味；加上外面的炸蝦肉，又脆又鮮甜。這種整得好的小食真係唔多地方食到㗎啦！泰式炒通菜：通菜新鮮又嫩口，揀配少少辣，以泰式炒法都幾惹味。泰式牛丸船河：牛丸有口感彈牙又不失肉味，牛肉又鮮嫩，配埋湯河，味道剛好。青檸冰：酸酸地，又夠凍，熱天食辣時飲返杯，爽呀！