滷友記 (加路連山道) (已結業)

前幾日為食貓又去咗銅鑼灣搵食今次就去左試滷友記估唔到銅鑼灣都有一間價錢親民，野食又足料嘅台式麵店wor環境呢間麵店嘅裝修好新穎，亦都好乾淨♥️為食貓同朋友都坐得非常舒服🥰食物四拼滷水麵 （4/5）呢度嘅湯底可以揀滷水、麻辣、蕃茄同酸辣，而麵就可以揀米粉、牛肉麵同米線😀為食貓就揀咗滷水牛肉麵，配娃娃菜、豬大腸、白蘿蔔同金錢肚佢碗麵真係超級大，而且啲牛肉麵真係台灣嗰種，好有厚度👍🏾另外啲豬大腸都非常大舊，當然唔少得講佢個滷水真係好有台灣味道🤤加埋佢自製嘅麻辣辣椒油，非常惹味🤪炸秋葵+蒜香炸豆腐 （5/5）必食為食貓覺得佢既炸物比滷水更為出色佢出面啲炸粉唔會太多，但又炸得非常之香脆♥️加埋啲酸酸地嘅沙律醬，唔覺意就食晒好有罪疚感😵‍💫生炸雞髀 （4/5）個雞髀都炸得唔錯，出面啲皮好脆，而入面啲肉都重幾juicy🤤不過如果可以成隻上，唔使切，會更滋味陳皮冰糖燉檸檬+蘋果雪梨雪耳食完d咁熱氣嘅嘢，再飲番杯酸酸地既陳皮冰糖燉檸檬，真係岩岩好不過如果杯蘋果雪梨雪耳冇咁甜就更加好😀如果大家喺銅鑼灣行行吓街咁岩肚餓，喺度食下午茶，食下d炸嘢都幾滿足

約咗朋友喺銅鑼灣交收，一齊食埋個麵先走人🤣呢間價錢抵食又好味！滷友三寶米粉$62貪佢唔使諗揀咩餸，就揀咗呢款三寶有金錢𦟌、金錢肚同牛筋湯汁都有幾種選擇，呢碗揀咗滷水汁三寶滷得入晒味，牛筋好腍，金錢肚好彈牙，米粉索晒湯汁好好味😋另外兩個朋友仔揀咗三拼麻辣麵 $55餸就揀咗雞翼、豆腐同新竹貢丸，麻辣湯底好香，入口有小小麻辣，雞翼有兩隻，都幾入味！豆腐幾滑四拼滷水麵 $60豬大腸、牛筋、蘿蔔、萵筍、台灣牛肉麵朋友話萵筍好爽口，豬大腸同蘿蔔索晒汁勁正！蘿蔔清甜得嚟又冇渣🤩芝麻汁雞絲粉皮 $50粉皮滑嘟嘟，挺身有咬口配料有青瓜同雞絲炸秋葵 $30炸得好香脆，秋葵唔會炸到好乾身，食完一條接一條，食唔停口叫咗兩款自家制飲品蘋果雪梨雪耳(凍)+$12陳皮冰糖燉檸檬(熱)+$12飲得出啖啖真材實料，好滋潤

有朋友介紹過我呢間滷友記，今日經過，3點鐘又唔太多人 不用等位，就試一試～我哋2個人叫咗一個麵食、三個小食、一杯嘢飲一齊share，分別有：🍜滷友三寶麵 $57有金錢𦟌、金錢肚、牛筋，麵可以揀米粉、上海粗麵幼麵、撈麵，湯底都可以揀！有蕃茄湯、酸辣湯、滷水、麻辣。我哋要咗滷水米粉，首先三個餸都好入味，金錢𦟌好淋，份量啱啱好，食得晒～🉐推介🉐🥢椒鹽炸貢丸 $24好好味！我本身好鐘意食貢丸，雪櫃必備嘅食物之一，一來冬菇味好香、貢丸口感好，但估唔到都冇諗過拿去炸都得嘅！今日一試，有啲椒鹽，貢丸質感好，好好味喎！下次試吓我整唔整到先～🉐推介🉐🥦炸秋葵 $27之前都有食秋葵，釀魚肉煎啊、烚熟啊，凍食啊，但又係冇諗過可以炸，今次一試，口感好特別，較易入口，佢仲加咗蒜蓉落去，有啲味道更加好食！意想不到呢～🉐推介🉐🥢滷水豆腐 $27諗住食咗咁多炸嘢，就要返個滷水，滷水汁好味，唔太咸，對比啲炸嘢呢碟就清啲，有麻油香～🍎蘋果雪梨雪耳 $24（跟餐+$12）好味，清甜！冇冰啱晒我人，保留返原本味道、唔會沖淡咗👍🏻其實全部嘢食都好好味，我哋係食晒所有嘢，冇食剩！本身想食溏心蛋滷肉飯，太搶手嘅關係已經賣晒😕下次再