Villa Villa Burger (已結業)

有時諗晚餐食乜嘢都諗到頭痛，除咗粥粉麵飯，突然靈機一觸上次經過Villa Villa Burger一直都未有機會試，今日晚餐試下先！之前都食過Villa Villa北角西餐廳，已經好有水準。Villa Villa Burger位於太古坊附近海光街，好容易找到，主要做take away，店外有張枱可立食，好方便！Menu 上Burger有4款不同，不多不小，剛剛好！仲有期間限定，可以參考返貼出嘅告示！唔食牛嘅朋友唔洗怕，我要推介返呢度嘅西檸雞堡同手打蝦餅漢堡。首先講下個黑媽媽嘅包，原來係自家製墨魚汁麵包，好香牛油味，煎得十分香脆軟熟，唔會浸淋淋咁西檸雞叫兩餸飯就食得多，變做漢堡包真係第一次試。咬落去甜甜酸酸咁好開胃。同埋鍾意佢唔會好似一般啲雞堡咁炸得咁勁，外脆內Juicy!! 好吃！手打蝦餅漢堡，呢個真係推！因為係辣辣地，配上泰式海鮮醬，味道真係好夾，食唔停口！蝦餅好有份量，口感十足呀！兩個包加$20都可以轉做套餐，有薯條加飲品。薯條仲要係我最鍾意嘅波浪薯條，即叫即炸，真係好香口。另一個餐改為炸蕃薯條，外脆內Q Q，甜甜地好香軟！再加小食椰菜沙律，見到店員用心製作，用材新鮮，只需$35但

最近先發現原來Villa Villa喺太古坊附近開咗咗間Burger，白色門面，成條街之中較為突出。特選美國牛肉漢堡 $80套餐 (炸薯條 & 飲品) +$20即點即整，喺門外已經聞到煎漢堡嘅香味，咬一啖滿滿牛肉汁，牛油甜包好好味，解膩嘅牛油生菜丶惹味嘅焦糖洋蔥，美味元素，缺一不可。黑松露牛肉漢堡 $80套餐 (炸薯條 & 飲品) +$20見到呢款係新產品，就想試吓，呢款同特選美國牛肉漢堡嘅分別係有黑松露汁，無焦糖洋蔥；黑松露香味，唔會搶咗牛肉嘅香，兩者配合得宜。炸蕃薯條 $40其實一人一個餐已經好夠飽，但本身好鍾意食蕃薯條，忍唔住要加多份小食，果然無點錯！即叫即炸，外脆內軟，最重要係好似糖化咗嘅脆皮，好快就清晒！

呢間係港島鰂魚涌嘅villa villa burger主打美國牛肉漢堡 仲有蝦堡 雞堡 小食同埋沙律～值得一讚嘅係佢嘅漢堡包大大個 外脆內軟好鬆化 ʕ •ᴥ•ʔ 同埋店面有啲poster好cute cute😆😆 ✻特選美國牛肉漢堡($78)有安格斯牛肉 車打芝士🧀 焦糖洋蔥 芥末醬 牛油生菜🥬 蕃茄🍅 牛肉份量好多啖啖肉仲好juicy!!! 肉質嫩滑唔勒好重牛肉味 好食😋 我哋另外加咗蛋 (+$10)配埋芝士 洋蔥 生菜 蕃茄一齊食好豐富 佢嘅芥末醬都好match 令成個漢堡包嘅口感更上一層樓😚✻手打蝦餅漢堡($78)有手打蝦餅🍤 泰式海鮮汁 甜辣醬 紅洋蔥 牛油生菜🥬 同埋 蕃茄🍅 手打蝦餅好足料好彈牙🥰配埋甜辣醬同埋泰式海鮮汁好夾 我哋同樣加咗蛋(+$10)蛋黃流心好正🤤✻蒜香炸雞翼 ($35/4 $48/6)雞翼都算幾大！同埋好酥脆又皮薄餡靚 肉質嫩滑同埋juicy好好食！😳 好香蒜味～～ ✻炸蕃薯條🍠 ($40)番薯條炸到好香脆😛 甜甜地咁好好食！同埋份量都好多👍🏻 金黃色咁賣相好吸引💛望到令人食指大動🤌🏻

鰂魚涌海光街附近外賣店出名多，好多種類都有，成日經過burger 店都超香，仲有套餐漢堡+薯條+嘢飲感謝好抵😋-VILLA VILLA 雙層牛肉漢堡$118特厚2層既牛肉令漢堡格外Juice，咬落去充滿濃濃嘅肉汁🧀連埋車打芝士、芥末醬每一啖充滿幸福既實在感🧅焦糖洋蔥加上新鮮蕃茄微甜又帶清新香🍅大大提升成個漢堡-手打蝦餅漢堡$78手打蝦餅好多泰國餐廳都食到，但蝦餅漢堡唔係好多地方有～配埋泰式海鮮汁、甜辣醬d 汁多到就快漏出嚟咁-薯條偏粗身，即叫即炸好香脆🍟 套餐飲品選擇可樂/ 零系可樂/ 雪碧/梳打水/礦泉水-炸蕃薯條$40份量好多超抵食～用蕃薯製作感覺健康d,而且放左一陣凍左蕃薯條都好食🍠-蒜香炸雞翼4PCS/$35炸到雞翼金黃色之餘，裡邊亦唔會太乾身