Cafe Fabulous

营业中

休息中

登打士廣場好多唔同嘅Cafe我諗大家都知，喺樓下見到呢一間有派傳單所以就去試吓💂🏻‍♀️《Set for two》$388炸薯條配黑松露醬（小食）呢個黑松露醬真係非常香濃！配埋薯條完全係一個冇得輸嘅邪惡配搭炸薯條都係新鮮滾熱辣，個醬真係非常出色，超重黑松露味！另外仲可以揀兩個主菜，比較出色嘅係日式咖喱軟殼蟹飯。日式咖喱甜甜地，加埋大大隻又酥脆嘅軟殼蟹，食到唔停口個飯亦唔會太濕太硬，唔錯另外叫嘅幾杯嘢飲都比較甜，平時都唔會嗌少甜都覺得有啲甜！總結：黑松露薯條係最出色嘅一項，下次會再試下其他黑松露嘅意粉/飯環境都幾舒服，淺藍色做主調～頒發軍階：上將🎖🎖🎖🎖

地方大，座位多，上菜速度算快，一邊裝修較暗，深色木桌，另一邊環境較光猛，白枱粉藍櫈。味道61分，正正常常，唔太差又未到好好食。.🔷Set for two 二人餐($328).🔸芝士雜菌意粉🔸卡邦尼意粉意粉係港式多汁嗰種，唔稠身，味道不過不失。雜菌意粉有黑松露醬調味，卡邦尼有煙肉乾，冇乜芝士味。.🔸炸薯條配黑松露醬⭐️推介！味道不錯，薯條夠熱，蛋黃醬加上好多黑松露醬，好香。.🔸比利時窩夫🔸紐約芝士餅甜品大概掌心大小，窩夫幾重奶味，暖暖地。芝士較厚實，唔太順滑，旁邊啲醬會搶左本身既味。.🔸拾貳月 (+$28)整得好靚，有兩粒馬卡龍，棉花糖，但好藥水味。.🔸柒月(+$22)芒果味都幾香，芝士味鹹鹹地，加埋幾好飲。

星期六同朋友喺旺角行街街，行完街shopping想搵個地方可以同閨蜜傾吓計，可以慢慢坐，食個dinner 嘅cafe. 突然間諗起之前曾經同朋友慶祝生日的Cafe Fabulous. .今次餐廳有二人套餐推廣，我哋二話不說就選了這個套餐，貪佢有齊晒小食、飲品、主菜同甜品。．個人很喜歡他們的小食，有 ，同 ，除咗賣相唔錯，食落都好yummy.．主菜我哋揀咗日式咖喱天婦羅炸蝦飯同埋日式天婦羅豬扒飯，我同我朋友都好喜歡日式咖喱，貪佢冇咁辣，個天婦羅炸粉做得唔錯。．甜品我哋叫咗藍莓芝士蛋糕，同埋比利時窩夫，甜品賣相吸引，可以影相呃like ．飲品我哋叫咗四月( 朱古力、咖啡、雪糕)同十一月(抹茶、雪糕），月份的飲品通常都係有雪糕喺面配合埋沙冰，同埋飲品幾大杯，同朋友傾偈耐啲都唔怕口乾。．總括而言，很喜歡餐廳的氣氛，其實佢哋好多梳化都係6至10人枱，枱月枱之間有空間感，可以慢慢坐，傾偈又唔怕人哋聽到，一班朋友或者冋朋友上嚟Cafe食下野傾吓偈另一個好地方。