河內大娘越南餐廳 (已結業)

呢間越南菜真係高質而且價錢合理😌個火車頭真係勁大份😆裡面仲好足料😍有生牛肉，牛展，牛丸，牛柏葉仲有牛根😎個湯低亦都好清甜😋加埋粒辣椒落去仲令佢多一層口感😌佢個蝦餅又彈牙又炸得岩岩好😍呢到價性比都幾高😎啲食物又好食又大份😋

餐廳位置唔太顯眼，但原來內藏美食。一開始見我地望住菜單猶豫不決時，老闆走過黎介紹左幾道菜，而且全部都唔差。燒大蝦柚子沙律。蝦好爽口，好新鮮，另外用上沙田柚（應該係），好甜，好開胃。香矛煮大蜆。老闆推薦，大蜆勁鮮甜湯底好香同埋有哂蜆既精華，正。炸蝦餅。食越南野點可以唔叫蝦餅，口感唔似平時咁表面炸到好硬，偏淋身但又好彈牙，本人推介。後來老闆話蝦膠係全人手打，所以先做到咁彈牙咖哩豬扒飯。味道有啲似日式咖哩，開頭甜甜地，但之後薑既辣味就慢慢出黎，豬扒味道醃得剛剛好，質地軟硬適中。唔想食咩河咩河既朋友可以試下。

今晚打算同朋友去尖東飲酒消遣，來到附近的越南餐廳食晚餐打底。店內裝潢富濃濃的越南色彩，一串串的越南斗笠十分別緻。酸子蝦，大大隻的蝦頭注滿鹹香的蝦膏，厚厚的蝦肉酸甜醒胃，加上蒜蓉及芫莤更添香味。上菜時，蝦肉位已剝殼，不用親手剝殼以致醬汁弄污手指，十分貼心～越式燒雞 (半隻)， 雞皮焦香，雞肉肉汁豐富而充滿碳燒香味，再蘸上秘製醬料，嚐到濃厚的香茅、蒜蓉、蔥油及紅椒等味，鹹中帶辣，十分惹味，回味無窮～炸蝦餅，外層金黃香脆，內層蝦肉彈牙，蝦肉混合青蔥粒，再沾上酸甜醬，滋味醒胃。珍多冰，鮮甜的椰汁混合甜糯起沙的綠豆蓉，味道合襯，滿口椰香又透心涼。整餐份量十足，味道香濃獨特，惹味可口，令我對越南一貫只有淡味道食物的想法改觀！

仲記得暑假去澳洲既時候，日日依薯仔、意粉、薄餅，我有一日忍唔住，一支公，一支箭走左去唐人街個熟食市場食碗PHO。從此人地問我如果世上只剩一樣野食，我想係咩，我可以大大聲講係一碗湯粉面，個個治癒效果係千金難買！黑雨過後同同事黎間新越南餐廳一試，地點好方便，P3地鐵一上直行就到，招牌夠光，一眼望到！越南炸蝦餅$68蝦餅看似簡單，從折肉到打到起膠，真係下下都係力！越式既蝦餅又混入香茅，所以食起有陣淡淡既芳香:）口感爽口彈牙，懶人最開心啖啖人肉！烤牛肉沙律$68越式沙律就係咁開胃，味道鹹鮮帶酸甜微辣，感覺好清新健康！蕃茄、青瓜、洋蔥都好爽甜，最鐘意係個d炸蒜片！軟殻蟹米紙卷＄78越南米紙卷就係當地既經典小食，米紙薄得透光！包著包羅萬有既材料:芒果、青瓜、生菜同主角軟殻蟹口感十足，配埋惹味汁，真係食唔停口！椰青蟹$368個個食大閘蟹，我就食膏蟹玩特別！隻蟹都算大，兩個人分岩岩好，仲有超多糕。由訴用成隻椰青，個湯甜到痺，飲左幾碗！生牛肉粉 ＄68個湯底都好清甜，慢慢見住D牛肉紅變啡，都幾開心。