泰好味

营业中

休息中

上OPEN RICE SEARCH屯門泰國菜，竟然見到這間【泰好味】咁多好評。地點又近，就一於光顧一下。一去到的時候，真係O咀! 餐廳環境非常差、很舊式的餐桌、被油煙沾污成黃色的冷氣機、殘舊的牆壁、多年前貼在牆上的海報等等… 都已到達餐廳門外，同朋友商議過後都繼續光顧吧! 坐下後，侍應拿了餐牌給我們。一如所料，都是黃黃舊舊的餐牌。但想像不到的，就是餐具真的真的很污穢! 盛滿了茶的茶杯，底部全是黑色的陳年舊蔑! 叫我怎麼飲下去??看看餐牌，食物價錢不便宜。比起元朗的泰國菜館還要貴。我們兩人只點了三個菜，此環境實在降低了我地的食慾(不好意思地說一句!)。【炸蝦餅】蝦餅切了幾小塊。跟平時的還要細。但味道都幾好，炸得幾好又有蝦味同埋很爽口！ 都OK!【泰式豬肉炒飯】炒得有鍋氣! 內有小蕃茄仔、洋蔥粒、蛋絲一齊炒。都幾有泰式味道! 但豬肉就炒得過耐，肉質不嫩!【泰式沙嗲】叫了一半雞一半豬。沙嗲比平時出去食的較細串。肉質不算嫩，沙嗲汁都調得較稀! 所以不算特出 。總結: 雖然是沒加一收費! 但價位都是略為貴的。食物都算過得去，但餐廳環境差! 沒法給好評，OK還可以! 但我不會再光顧。

睇完戲後, 行到洪橋位置搵食。無意中都會搵到好野^^ 舖頭細細, 好在等了15 MINS到就可以入座由於又係得兩個人關係, 試既種類都唔多第一個來的是黃咖哩雞+白飯 ($68) (白飯唔記得幾錢)很香甜,微辣, 椰奶十足, 煮好的雞肉滑嫩香醇，配白飯一流!泰式蝦炒飯 ($48) (有豬、雞、蝦選擇, 我選了蝦)上台時熱辣辣, 但味道一般, 有很多配料和蝦, 都幾大碟、夠份量! 但不夠乾身, 食落沒有炒飯的味道。所以之後都就咁當普通飯咁撈埋個黃咖哩食, 唔好O徒料!炸蝦餅 ($50)呢個漏單, 初初仲諗住用來送飯, 搞到食晒所有野先上.....個蝦餅都炸得幾香脆, 但對兩個人來說, 食咁多件太油膩了, 下次都不好叫龍眼冰 ($18)呢個味道仲淡過我平時自己冇加糖沖的龍眼水, 佢名副其實的龍眼"冰"。真係好多"冰", 我地見到隔離台先到的飲品咁多冰, 都已醒目咁叫少冰三色冰 ($18)椰汁+水+三色涼粉, 味道適中, 唔會太甜, 但如果多些椰味會更好！