金不換泰國餐廳

营业中

休息中

朋友仔約午餐飯聚，大家對泰菜都有情意結，於是選擇利舞台的金不換。訂咗位就唔駛等可以直接入坐嘞地方都幾闊落唔會迫迫夾。唔想諗就叫咗人個4人餐，冬蔭功材料新鮮蝦大隻，肉質彈牙有鮮味，欣賞佢用鮮草菇，這樣才有靈魂。迷你拼盤炸蝦餅、炸魚餅、芭蕉葉包雞、春卷、酸蘿蔔炸蝦餅唔夠彈牙，蝦膠要打耐啲...米紙包的春卷唔熱氣，點泰式辣醬好好味。蝦醬通菜最快被吃光的一道菜咖哩大蝦個汁送薄餅一流，大蝦OK好食。青豆角炒肉片豆角有點青味，味道都可以嘅。椰汁粟米西米露好多西米，幾粒粟米，正常無投訴。

有一段時間無嚟過金不換，之前一次大概三個月前在黄埔店食過，知道銅鑼灣店從利舞臺廣場6樓搬咗上7樓，所以嚟試下。餐廰整體裝修及擺設是比較西式，空間也比較多，餐枱之間也有充裕嘅空間，感覺舒適。我們二人點了芒果汁(2)，炸蝦餅，蠔油香菇炒竹芯，泰式炒金邊粉，本來想點生蝦刺身，點知waitress話在午餐時已賣晒，有D失望。我每次嚟必點嘅係芒果汁，用鲜芒果加小量嘅冰洨碎，䬪落有很香芒果味，鍾意芒果嘅朋友必點。蠔油香菇炒竹芯好似係一様新的菜式，我從未食過竹芯，雖然呢碟餸唔多似正宗泰國菜，所以決定試下，總體感覺一般，味道很淡，竹芯很爽口但無乜味，這道菜很健康，適合素食人士。炸蝦餅仍保持水準，首先是量很足，一碟有4個像Donut般大的蝦餅，蝦味很重，香口彈牙，必食之選。通常食泰菜都會點咖喱配白飯，今天選食Pad Thai，這店用的配料包括芽菜，豆乾，蛋及九菜，花生碎放在旁邊，我最初以為會有蝦，但估計錯誤。金邊粉炒得有鑊氣，味道也適中，但有點不正宗，這道菜一般是生芽菜放在旁邊，不會與金邊粉一齊炒，可能是遷就很多香港人唔食生芽菜嘅原因。總體感覺很好，服務也周到，會再嚟。