黃喵餐廳 (已結業)

之前來食過晚餐，環境及食物味道都唔錯，所以今次試下佢個午餐，叫咗個海南雞飯及香辣肉碎煎蛋飯，仲有兩個小食係炸蝦餅和串燒肉牛， 海南雞肉質嫩滑配埋油飯，非常美味，而香辣肉碎飯份量十分足，肉碎炒得好香辣辣地，十分開胃，蝦餅炸得脆，蝦肉亦很彈牙，食得好滿足，整體都相當滿意。

準備放lunch既時候係商場門口收到傳單，新開張優惠學生可以減$20，就算唔係學生每個餐可以減$10又好似幾吸引，好奇心驅使下決定行前多條街睇睇~選擇唔算多，但勝在每樣種類都有啲幾平均，而且難得既係有我自己最愛既生牛河！拿拿林叫個生牛河試下先！呢個生牛河真係不得了！！一黎到見到個份量已經好足料，牛肉亦唔係普通肥牛之流既水準！最出色既係個湯底！完全飲得出係好重牛味！精心熬製出嚟！配埋洋蔥九層塔真係好有越南風味！真心超推介！然後朋友叫左個香葉肉碎飯上到枱既時候比佢個份量嚇左嚇，雖然佢地既碟比普通餐廳細，但份量一啲都唔少，滿到都唔知邊到落手食好然後再加多兩個小食，可能又係新開張優惠？$22一份，$30兩份，即係要人叫兩份啫！蝦餅鳳爪各有特色，鳳爪超惹味！食得辣既千祈唔好錯過！最後加埋杯白桃乳酸特飲$15乳酸做特飲都比較少見，呢到既飲品都幾新奇，可惜佢地無show飲品menu所以無得影低兩個lunch set加兩個小食三個人share都好夠飽，平均每人都係五十幾蚊，如果正常每人一個lunch set加杯熱飲就$58up呢個價錢係平民區既葵芳黎講可能偏貴左小小，但食物同環境黎講絕對係物超所值！間