夏麵館 (荷里活廣場)

营业中

休息中

星期五晚上, 同男友經過荷里活廣場搵晚飯食,見好耐冇食上海菜, 就來到夏麵館~同男友點了3款菜 :-1) 炸銀絲卷炸得剛好不太油, 同煉奶好夾, 好好食呀!2) 涼菜五小碟可以自選五款前菜做一個拼盤, 而且好抵食!!份量也是剛好~我最喜歡是麻醬粉皮,麻醬非常香, 粉皮厚而爽..3) 豬扒擔擔麵豬扒炸得好味, 只是油了一點,擔擔麵不是太spicy, 有一點麻醬調味既湯底, yummy !!!

見到前幾篇食評都話抵食，於是乎就黎試下。但之前女朋友食過同一間集團的牛涮鍋，但感覺麻麻，所以一開頭都係抱住唔係太驚喜o既心情入去食，點知食完都有驚喜~6點半去到，唔駛等位，一坐低就見到套餐牌，跟住醒起之前有食評講過套餐唔抵食，反而散叫會更好，所以就向散叫進發。價錢唔係好貴，所以都同女朋友叫左5樣野。一碗仔，料都幾足，個人覺得可以再辣d~皮幾薄，餡料可以多番少少就好啦，美中不足就係個醋就麻麻了。呢個冇乜特別，但個煉奶反而唔係好甜!!湯正!!清清地，雞幾好肉，麵好彈牙!!值得一讚擔擔麵的湯底有微辣，呢個正，但個排骨就差d，林左少少最後埋單$179都幾好，至少咁樣叫仲平過二人套餐，而且都幾好食~會再次光顧的~ps. 佢會收茶錢的~每位$3....同埋佢d人手可能少左d...埋單找錢等左半個鐘....期待在這些地方會有改進。

很久沒有和朋友相聚，所以難得約到友人，便選了一個地點方便大家放工去相聚，最後便選了這間食晚飯。很意外地沒想過今晚所點的菜式味道不差，讓整晚也食得開心，談得歡心。一來到便有位，然後便點好小菜，好快便有菜來了。雞絲粉皮HKD38，好好味。糖醋小排HKD38，其實是細份量的，不要以為好多，我覺得都好味。涼拌海蜇HKD48，貴了些，但好味喎。排骨擔擔麵HKD48，排骨是分開上的，炸得好入味，不錯。擔擔麵是不辣的，如果辣多一點點我覺得好味好多。菜心獅子球HKD65，是好普通的一個菜，我不知要多少功夫，但這個價是好貴，因為只係好普通。鮮肉小籠包HKD24，都係好一般的。內裏的汁不算好鮮甜肉味，看到只是肉沒有什麼其他材料，一粒又不是大，剛好一口一隻。炸銀絲卷HKD18，內裏的一層層不多，但外皮都脆，又沒有太油膩的感覺，幾好。飯後我們還坐了很久也談了很久，這裏環境可以讓我好好享受和爱詳談盡歡，食物味道又滿足，是一個不錯的選擇，只是價錢有點偏貴一點。

今日老婆要返工, 但是因為預備新年的禮品需時, 所以在返工前隨便找一間餐廳吃飯, 在荷廣中, 這間絕對是我們的首選, 而且在荷廣抽獎抽中九折優惠, 所以今餐非這間不可啦.1. 糖醋排骨: 本來我有點害怕這種餸菜的甜味, 但這間是非常好味, 總有點吃不停口的感覺2. 回鍋肉: 我們極少數叫的一個餸, 但如果不介意回鍋肉唔太辣, 這間不錯3. 炸銀絲卷: 今日不知為何很想吃的一個甜點, 好吃4. 麻醬拌面: 老婆的愛好, 我就麻麻啦5. 金牌菜肉炒飯: 其實只係好普通的菜心粒肉碎炒飯, 但不知為何, 我都覺得好好味, 加上配備的一碗紫菜湯, 恰到好處