閨•家 (美基樓) (已結業)

週末lunch 2人行，等兩張枱，約10分鐘入到去。叫左藕餅豬扒飯、梅子金沙骨飯、海蜇手撕雞、炸饅頭，跟餐加左菜心同凍奶茶。豬扒飯配豉油蔥油，撈飯無得輸，如果藕餅煎得再香口啲會更佳。梅子金沙骨，屋企梅子排骨嘅味道，稍嫌唔夠熱。手撕雞份量足味道幾好，炸饅頭新鮮炸起。例湯係蘿蔔煲雪耳，味道清飲得舒服，平時無乜湯水嘅可以當飲碗家常湯，凍奶茶不過不失啦。份量好夠食，正常食量可以叫少飯，食個飯連例湯加個凍飲60有找，無乜得挑剔㗎啦。

星期一晚約左幾位大同一齊出黎飯聚，聽朋友講閏家搬左新舖，近左市中心好多，就決定左黎試下佢蟲草花冬菇煲雞湯($28)呢度每日都會轉一款湯，一星期一個循環，全部都係老火靚湯亦都係店家招牌，如果叫餐會跟一盅湯，而今日呢款用蟲草花煲既湯亦係我既至愛，平日屋企缺少湯水既大家，呢度絕對係一個好選擇去滋補一下。呢盅湯十分足料，有大量蟲草花，又有雞件同紅蘿蔔，湯渣份量接近成盅既三分之一。而蟲草花既味道極為濃郁，配搭雞湯既鮮甜，認真過癮。最緊要既係食完成餐飯之後唔會口渴，可見真係真材實料，無落味精！！😍😍😍菠菜麵配慢煮豬軟骨($45)入到黎坐低就見到張好吸引既餐牌，上面寫住即製手工麵，有菠菜、甘筍、紫薯三款口味，而我揀既係菠菜麵，而餸就揀左慢煮豬軟骨。一黎到就發現份量十足，我地幾位女士都表示點樣先食得哂？不過原來好食既野係會令人食唔停口，菠菜麵既菠菜味每一口都慢慢散發出黎，十分滋味。而慢煮既豬軟骨非常之稔同入味，食完唔會痴牙，仲有滿滿既骨膠原，正呀！！！濃郁既豬軟骨配上清爽既菠菜麵直頭係絕配，令人一啖接一啖咁食落去。🤤🤤🤤同行其他朋友都叫左甘筍麵同紫薯麵，淺嚐後發現各有特色，亦都食得出佢講既味道，不過始

愛。回。家蓮藕餅紫薯麵 加豬扒 配菜心*兩大塊蓮藕餅好足料,但調味太咸*紫薯麵硬度夠,不會未咬就斷,是我吃過最好食的紫薯麵*豬扒比想像中普通,畢竟有許多人介紹,似乎蓮藕餅更好吃*菜心正常*是日老火湯好濃烈,但可惜不夠熱,可能廚房太忙不再加熱吧梅子金沙骨飯*梅子醬加糖似乎太多,沒有生粉水,變成甘甜的梅子湯*金沙骨直接煮熱,沒有煎,不過都幾入味*米飯有少少偏硬炸饅頭 20元3個*等了10分鐘就上台,有大量煉奶配炸饅頭就會好好食啦!閨•家 (美基樓) 屯門河傍街148號美基樓地下A號舖#閨家 #屯門黃店 #愛回家 #煮家飯 #煮家菜 #梅子金沙骨 #炸饅頭 #老火湯 #黃店 #屯門 #熊本熊 #傻鴨 #雙傻 #KUMAMON #蓮藕餅 #紫薯麵 #豬扒 #菜心 #晚餐 #DINNER #香港人 #加油 #黃色經濟圈

經過新墟見有新店，裝修幾舒適，入去一試店入面有大字「見字飲湯」，睇黎主打湯。問完店員先知跟餐例湯每日唔同是日例湯：五指毛桃淮山煲雞，湯料比足份量，有1/3碗係湯料入口都幾清甜，飲完冇口渴力推首選手撕雞飯，雞肉份量多，本身唔沾沙薑汁都夠味，咸咸香香，好快就食曬d飯加埋沙薑汁，超級惹味朋友嗌咗甘筍麵配豬扒，湯底好甜，麵入口有淡淡甜甘筍味，口感幾得意，偏軟身。豬扒入味，好大塊加左$12配菜心見小食價錢都經濟，一次嗌咗2個炸饅頭即炸熱辣辣雞翼香口整體價錢經濟，唔過$50已經有個晚餐，環境舒適，食物唔錯