閨•家 (美基樓) (已結業)

周末lunch 2人行，等两张枱，约10分钟入到去。叫左藕饼猪扒饭、梅子金沙骨饭、海蜇手撕鸡、炸馒头，跟餐加左菜心同冻奶茶。猪扒饭配豉油葱油，捞饭无得输，如果藕饼煎得再香口啲会更佳。梅子金沙骨，屋企梅子排骨嘅味道，稍嫌唔够热。手撕鸡份量足味道几好，炸馒头新鲜炸起。例汤系萝卜煲雪耳，味道清饮得舒服，平时无乜汤水嘅可以当饮碗家常汤，冻奶茶不过不失啦。份量好够食，正常食量可以叫少饭，食个饭连例汤加个冻饮60有找，无乜得挑剔㗎啦。