Bubble Tree (成業工業大廈)

营业中

休息中

每次見到個Menu 都唔知食乜好。今次就簡簡單單叫左炸魚柳漢堡配薯條炸魚柳漢堡好大個，見到都有D飽，魚柳炸得幾脆，多肉富，蔬菜幾fresh，配合其他蔬菜一齊食，可以減得油膩感，好味😋！🍟食落去口感香脆，調味出色，讚👍

大家都知觀塘好多好野食，而且有D仲好多人排隊添。唔想等位嘅我，係Openrice Book左間喺工廈嘅餐廳。雖然當日星期五晚，現場唔多人，但其實好多都係留座。我離開果陣7點半，門外有人等位，建議大家去工廈食野，最好BOOK定枱，避免喺又焗又熱嘅環境等候，影響心情。紫薯湯/南瓜湯 跟餐+$5前者第一次飲，估唔到真係咁紫薯，唔太習慣，個人覺得蕃薯都係甜先好味😅；南瓜湯正常發揮。瘋狂芝士日本飛驒牛漢堡 $98漢堡扒幾厚，而且好軟、有牛味、幾Juicy😋，但老實講同安格斯漢堡扒分別唔大🤔。芝士好厚，呈半溶狀態，不過味道比較淡。成個漢堡整得好好，麵包烘得好脆，又夠鬆軟，而且各款配料琼水做得好，麵包底部依然乾身!!👍 炸魚柳漢堡 $68炸魚望落以為好細塊，但其實幾厚肉，炸衣脆口，可惜魚帶腥，影響整體味道。綠茶LATTE 跟餐+$12面有少少綠茶粉，所以初頭飲，個甜度啱啱好，但之後就越飲越甜；奶味唔重。冰朱古力跟餐+$12唔建議叫呢杯野，因為真係唔好飲，又甜，朱古力味又淡。餐廳無加一，掃QR落單，可以電子付款或到枱面比錢。餐具、水、水杯等可自行到門口附近嘅枱面領取。

觀塘好多餐廳位於工廈相信好多人都知，今日帶大家試下呢間似乎新開的小店😉呢間餐廳走西式輕食路線，有set 包湯同飲品，就算係單點都可以加少少錢就有野飲或甜品任你配搭。炸魚柳漢堡 （$65）餐牌寫咗話每款漢堡都配炸薯條同沙律🥗由於本人唔好薯條所以就走咗薯條🍟😛個包都唔細配料亦都幾多，沙律汁流晒出嚟😋沙律連埋啲酸酸地嘅沙律汁好開胃。白酒忌廉汁吞拿魚芝士焗海鮮蝴蝶粉（$65連餐湯及飲品）見到有蝴蝶粉比較特別，出邊餐廳好少有得食所以就叫咗呢個🤪上嘅時候啱啱焗起，睇得出熱辣辣，忌廉汁亦都做得好出色，唔係茶餐廳嗰種白汁😋😋蕃茄甘筍湯 （跟餐）個湯幾濃，同樣開胃又飽肚😚凍檸檬茶（跟餐）味道正正常常，甜度比例合適水牛城雞翼（$48）平時食嘅水牛城雞翼個汁都有點辣，今次呢個雞翼嘅汁唔辣，總共有六隻，細細隻好惹味😜本身想叫埋個心太軟配雪糕做甜品，但因為已經好飽食唔落，所以冇叫到。😂如果大家食厭咗商場嘅大集團快餐，不妨來呢度食下西式輕食，價錢亦都好均真，一啲都唔貴，只不過比大家樂貴少少，堂食外賣都有🤓補MENU