Bubble Tree (成業工業大廈)

营业中

休息中

大家都知观塘好多好野食，而且有D仲好多人排队添。唔想等位嘅我，系Openrice Book左间喺工厦嘅餐厅。虽然当日星期五晚，现场唔多人，但其实好多都系留座。我离开果阵7点半，门外有人等位，建议大家去工厦食野，最好BOOK定枱，避免喺又焗又热嘅环境等候，影响心情。紫薯汤/南瓜汤 跟餐+$5前者第一次饮，估唔到真系咁紫薯，唔太习惯，个人觉得蕃薯都系甜先好味😅；南瓜汤正常发挥。疯狂芝士日本飞驒牛汉堡 $98汉堡扒几厚，而且好软、有牛味、几Juicy😋，但老实讲同安格斯汉堡扒分别唔大🤔。芝士好厚，呈半溶状态，不过味道比较淡。成个汉堡整得好好，面包烘得好脆，又够松软，而且各款配料琼水做得好，面包底部依然干身!!👍 炸鱼柳汉堡 $68炸鱼望落以为好细块，但其实几厚肉，炸衣脆口，可惜鱼带腥，影响整体味道。绿茶LATTE 跟餐+$12面有少少绿茶粉，所以初头饮，个甜度啱啱好，但之后就越饮越甜；奶味唔重。冰朱古力跟餐+$12唔建议叫呢杯野，因为真系唔好饮，又甜，朱古力味又淡。餐厅无加一，扫QR落单，可以电子付款或到枱面比钱。餐具、水、水杯等可自行到门口附近嘅枱面领取。