芝樂坊餐廳

营业中

休息中

今日朋友同我補祝番生日，黎左呢度dinner🤤之前都有黎過呢度幾次，但真係見到啲人龍都驚，唔敢成日黎星期六嘅晚上，6點半未到黎拎飛，告知要7:45pm先番黎到時候先會有位… 都無問題嘅，海港城就喺度，行吓街時間都好快過準時7:45pm番黎，等一等好快就山安排到座位有黎過呢度食飯都知，menu勁多，有選擇困難症嘅我真係好難決左🫣揀左好耐，最後決定叫左，炸魷魚、烤蒜雞肉蝴蝶粉同意式酥脆雞扒炸魷魚，一炸好就上枱，熱辣辣好酥脆，好好味，最啱就係配杯冰凍啤酒🍻 烤蒜雞肉蝴蝶粉，份量好夠好大碟，烤蒜巴馬臣芝士汁香濃唔油膩，味道剛剛好，好味道，唯一缺點就係有青豆🫠意式酥脆雞扒，又係好大碟，三大塊雞扒，雞胸肉煎到金黃脆口, 雖然係雞胸肉，但完全唔鞋，好食，伴碟薯蓉同蘆筍呢度份量真係好大碟，本身諗住食埋芝士蛋糕，但真係飽到食唔落🫣 唯有下次啦。。。

未有得去旅行住 嚟the cheesecake factory 回味一下美國大餐確是不錯🤤🤤呢個炸魷魚無論配辣醬同蛋黃醬都係咁好夾。另外個魷魚都好香脆。的確係個好開胃嘅小菜呢個水牛城雞翼有得揀加埋辣汁定辣汁另上所以就算朋友唔食辣都唔使驚而我同朋友仔揀咗加埋辣汁，雞翼炸到好香脆佢個醬汁酸酸辣辣好惹味！再配埋個芝士醬更加有另一番層次呢個蒜香雞肉蝴蝶粉啲雞肉一啲都唔老而且個蝴蝶粉夾埋啲芝士醬入口一啲都唔乾加埋少少嘅芝士香味我同朋友仔都食到停唔到口仲有呢個四重芝士長通粉撈勻晒啲芝士入口有好香嘅蕃茄味相當清新芝士味相當濃郁仲可以做到拉絲嘅效果飲品方面呢杯factory peach bellini酒味唔係好濃郁, 但係甜甜地又有少少桃味相當適合女仔飲嚟到呢度梗係要食芝士蛋糕我同朋友仔本身想揀焦糖青蘋果蛋糕可惜店員話今日賣晒不過唔緊要我哋試咗紅絲絨芝士蛋糕都相當有驚喜希望下次嚟可以試到焦糖蛋糕總括嚟講都係會再嚟多次嘅

平安夜果日食真係超多人食，自己又無早去攞位要等到九點半其他人攞咗飛唔去先有得後補食。好彩最後得償所願食到😂😂😂不過過程都比較驚險如果食唔到都唔知可以食啲咩🙈評分：上癮程度：❤️❤️❤️❤️🤍（可以再試下其他款式食物😋）美味程度：❤️❤️❤️❤️🤍外貌程度：❤️❤️❤️❤️🤍價錢低食：❤️❤️❤️🤍🤍服務態度：❤️❤️❤️❤️❤️（個人覺得唔錯，例如前台哥哥）環境寬闊，同其他枱有段距離

美國起家嘅The Cheesecake Factory，以份量同芝士蛋糕出名！高人氣，經常排隊，人山人海。閒日晚上係冇得訂座，需要Walk-in拎位，六點幾拎飛都要等到約七點先有位。入到去光線好暗，但座位鬆動，坐落係舒服。一入座就會有免費可添嘅原味、黑糖麵包配牛油，食落麥味重，偏向有咬口嘅麵包。5個人食，叫左5樣野加件蛋糕已經好飽！🧀 熱帶風情沙冰 $78★★★★☆好大一杯，同人share黎飲都冇問題，沙冰用左芒果汁、熱情果汁、菠蘿汁及椰漿，加冰攪拌，飲落真係透心涼，唔會太甜同太漏，幾清新，啱哂夏天飲。🧀 GODIVA朱古力芝士蛋糕 $82★★★★☆朋友見呢款蛋糕寫Godiva就叫左，上層為Godiva朱古力芝士蛋糕，下層係朱古力慕斯，食落好味，香濃嘅朱古力，但食多幾啖會膩同太漏，幾個人share食就冇問題！特別要讚，因為慶祝生日，即時叫佢幫手寫字，D字寫得好靚好立體！🧀 炸魷魚 $158★★★★☆好大碟，5個人食極都仲有。魷魚係包左層炸粉再拎去炸，幾酥脆唔會有油益味，但有部分脆粉已經同魷魚分離左。魷魚爽脆，唔會霉霉地，配埋個蒜香沙律醬同雞尾酒汁都幾好食！🧀 芝樂坊粟米片 $158★★

如果大家唔太熟海港城, 應該會俾佢嘅地形搞到頭昏腦脹, 今次係我第2次泥cheesecake factory, 第1次好似都5,6年前(利申唔知有無記錯), 今次泊左車係3號碼頭停車場, 之後先發覺無任何優惠今次都要搵左陣先搵到間餐廳Cheesecake factory 好多人排隊, 等位都等左1個半鐘不過最後食物質素同環境都物有所值炸魷魚 - $158HKD一上菜就見到好大好大好大碟重要嘅事情要講3次, 黃金色嘅脆皮, 飄出一啖啖嘅香氣, 外脆內軟, 配上他他醬, 酸酸地勁開胃心食蝦肉天使面 - $218HKD呢個天使麵都係好大碟, 好有良心, 唔似d扮野fine dining 同無品西餐廳我1, 2 注就食完, d蝦好爽口彈眼有嚼勁, 天使麵同蕃茄汁比例岩岩好, 麵都好有咬口香脆蟹肉球 - $92HKD呢個蟹肉球係我嘅fd叫, 個蟹肉球上菜果陣我當左佢係普通豬肉做d肉丸, 食落口最外層係有少少深煎定炸過嘅feel, 裏面有少少肉薯蓉, 點知友人話有蟹肉, 先發覺好似又係有蟹似,肉球上面嘅香草醃料又幾入味正評。所謂"英雄莫問出處"。只要好食, 係唔係蟹肉都唔緊要PS: 想要泊車優惠唔

Happy Friday 就揀左間期待已久既餐廳, 呢間餐廳一開業已經好想黎, 但實在太多人, 之前要等成兩個鐘頭以上, 所以一直無機會試, 呢排小左遊客就向星期五黎試下. 知道呢到份量比較大份, 適合人多分享, 我地四個人7點到等位, 等左四十分鐘有枱, 系四人卡位, 講野方便d, 隔離系走廊唔使同他客人一齊坐. 我地叫左 (1) 芝樂坊 沙律 (2) 炸魷魚(3) 卡邦尼意粉(4) BBQ燒雞薄餅(5) 兩件芝士蛋糕, 意粉及Pizza都要打包拎走. 埋單$240/人, 環境食品服務都可以, 意粉Pizza味道同份量中規中矩. 驚喜位向沙律, 芝士蛋糕當然唔少得. 食物份量大份, 3人以上推薦可以黎試試, 下次多D人黎試, 可以試多幾款唔同既款式. 

美式餐廳特色就係份量大、主菜都附配菜、包餐包、餐單選擇多、座位寬闊舒適Cheesecake factory完全附合以上條件🤓加上燈光昏暗 侍應大多不是華人令美式感覺更濃厚😍等候入座嘅時候大家不坊入內到蛋糕櫃參觀幾十款芝士蛋糕 件件都分量十足😘心情即刻大好🤪飯前餐包黑糖好好食！一放低已經成陣黑糖飄埋嚟仲refill左一次黑糖麵包😛炸魷魚($158)好好味呀！香脆魷魚爽有兩款醬提供 好正烤豬扒($288)蘋果醬薯蓉厚切煎得香 豬味濃 肉質不鞋蘋果醬作為點綴好襯唯一係有點貴 性價比麻麻可以有更好選擇拿玻里意大利麵($198)配上肉丸香腸磨菇煙肉好豐富又足料嘅開胃意粉！醬汁比例精準意粉煮得剛好 軟硬適中青檸芝士蛋糕($78)好酸呀😖not okay 完全食唔到甜品嘅甜三個人都食唔哂食過幾次cheesecake factory嘅蛋糕都覺得唔啱口味糕體芝士味不濃亦相對軟身

每次去到都會被嚇一次 以為會排好耐隊先入到我地7點幾到 張飛話要排到10點幾 真係嚇一跳🕴🏻還好只係等左15分鐘到喇 就入到喇✌🏻一班人食黎呢到食就真係岩曬 野食大大碟 又好味 芝樂坊粟米片Nachos係我心中永遠有一席位 豈能不點😍粟米片上鋪滿熱溶芝士 酸忌廉 牛油果醬 莎莎醬 青椒 等味道豐富 食落有小小辣 雖然芝士分佈唔夠均勻（底個層乜都無）但粟米片夠熱再沾埋d醬 真係正👍🏼脆焗釀薯寶外脆內裡夠薯就一定架喇但薯入面仲要有埋芝士 煙肉同蔥 先夠正豐富之餘又有口感係值得order ge炸魷魚🦑又係炸野呀😂好熱氣呀但呢個又係好食🤩脆皮炸得好酥 好輕 唔係一pat炸粉咁魷魚🦑又爽 唔un 分量真係好多😂配埋個醬真係不得了意式肉腸及蝦粗管長通粉呢道食完個個fd都讚既pasta⭐️究竟有咩好呢個醬係最關鍵 番茄🍅醬夠濃再配小小辣椒🌶️食落又小小辣 好吊味食粗管粉時每一啖都有個醬撈埋黎食 粉既口感又夠適中係必點既一味原創芝士蛋糕🍰大讚👍🏼蛋糕軟滑creamy 又夠fluffy 餅底均勻返膩既感覺 可以再多d食完個個都托住個肚走 真係大滿足

今日一行六人連埋bb 一齊去左食 The Cheesecake Factory! The cheesecake factory係一班人開餐嘅不二之選！當然亦都好多人排隊。但係喺尖沙咀你可以先攞位再行下街！佢會俾個牌你差唔多到你就會響。而the cheesecake Factory佢嘅份量實在太多啦!我哋叫咗一個牛扒，炸魷魚，雞翼，粟米片同意大利粉已經好飽飽啦～ 建議一定要四人以上先嚟食先可以嗌咁多嘢食！ 而環境同氣氛都好適合傾計！

今日一班女人出黎慶祝聖誕節，又係有大有細講左大半年要試呢間出名嘅餐廳，芝士控嘅我舉腳贊成由我2點幾去到餐廳攞位先，條人龍都已經好長！點解下午茶時段都可以咁長龍餐廳貼心地俾左個pager我，有位時會有signal。仲留左我電話等餐廳隨時打俾我！等我可以周圍行，因為餐廳同我講要等40-60分鐘，但pager接收範圍只限20米，其實20米又行得啲乜呢終於我都行到LCX嗰邊，到3點幾餐廳打電話黎話執緊枱，即call到左附近嘅朋友們仆過去，不過原來要過半數人到左先入得，同餐廳解釋左各人都就到，餐廳話入座計2小時交枱，我地就可以入座仲有房仔坐添班女人揀左一陣，終於揀好哂要食嘅野先黎2大籃麵包，啡色嗰個甜甜哋，好軟熟，好味喎！炸魷魚，脆粉唔太厚，夠鬆脆！黎到餐廳嘅主角 - 芝士蛋糕！我地班女人真係非常期待！7大2小，話叫5件，個waitress見我地都食左咁多野，雖然女人另外有甜品胃啫，建議我地叫4件好啦要讚一下，呢間餐廳嘅芝士蛋糕嘅質感軟軟哋、夠creamy，唔太硬身，所以唔會話食一、兩啖就滯到上心口嗰種，同埋我覺得太硬身嘅cheese cake反而帶唔出個cake應有嘅芝士味食左2個鐘，傾得好開

因為見到呢一間野嘅蛋糕，真係相當吸引，咁啱屋企人問我生日想食啲乜野？但係因為呢一間野一直都係要排隊等候，係沒有訂座，於是乎我哋五點半已經去到現場排隊，跟住家人去到接待處留電話，表示佢嘅等候要去到夜晚9:30才有枱，並必要過半數人到。之後我自己又大概黃昏六點半左右去排隊輪候，當其時去到接待處同我講就預計10點鐘會有枱，後來職員同我講如果你齊人，走來接待處同她講啦⋯⋯後來我七點鐘已經齊人，其後職員俾我一個顯示器，我一刻在想太好了！相信七點半應該有位啦⋯⋯怎料，大概七點半，查詢有枱未呢？⋯⋯竟然說輪候應該要大概10點先有位喎⋯⋯我頓時即刻問：「那麼不應該給個顯示器我時，同我講都要到十點，因為當日有小朋友冇可能要等到咁夜先有得食，如果係嘅話我已經轉去第二間啦⋯⋯令我非常失望！」正當屋企人商量轉去第二間食的時候，大概13分鐘左右，個顯示器響起，說有位！最後，食評總結：如果為咗呢度嘅主菜而排咁耐，就唔需要考慮去這一間堂食，但係如果為咗佢嘅蛋糕，不妨考慮外賣便算了！因為不用吃出一肚氣！

朋友們約我吃生日飯，我選這間期待已久的美國過江龍 The Cheesecake Factory。可惜不設訂位，早已聽聞這餐廳要排兩小時才能入座，幸好我和另一位朋友都放5pm，來到The cheesecke factory 6pm, 但門口已有一條十多人的人龍，仲諗住唔係好多人，應用7pm 前入得，但原來這條龍只是排隊攞"飛(等位機)"，我們一行五人，職員說大約等90分鐘左右，叫我們可以周圍行下先。最後我們7:45pm 終於可以入座個名叫THE CHEESECAKE FACTORY, 當然係主打CHEESECAKES, 一入餐廳已見到個好吸引的CHEESECAKES 雪櫃職員送上了餐前麵包，麵包一上枱，就聞到好香的焦糖味！！一入口，外脆內軟，好好味！！我們先點了些頭盤先來凱撒沙律，職員問我們要"頭盤size"？還是"主菜size"？我們反問佢我們五人應食什麼size?! 他推介了"頭盤Size", 果然，頭盤Size 已經好大碟再來炸魷魚，非常香脆，亦都係好大碟的！！還有"釀磨菇"，終於係細細碟啦！！主菜我們點了一個"乜都有PIZZA"，啱晒我們呢D選擇困難症的人仲有"烤特級西冷牛扒"，

睇到OpenRice 嘅介紹已經好想去食因為小狗公主係一個芝士迷佢開咗之後有一次同小狗老細經過海港城但已經冇晒位所以今日決心早啲去睇吓有冇位我哋兩個好早就去咗等位啦我哋大約六點左右就去到門口攞位佢哋嘅員工同我地講話要等40分鐘左右咁我哋就等左大約半個鐘頭到就已經有位可以入去入到去嗰度環境其實都有啲暗但經過芝士蛋糕嘅櫃檯馬上就心心眼啦首先小狗老細叫咗一杯Oreo 奶昔而我呢就叫咗芝士薯波同埋炸魷魚佢嘅份量都好大兜同埋上菜嘅時間都好快唔使你等好耐同埋嚟到啲嘢都唔係話凍冰冰都好熱辣辣嘅薯波食入口芝士味真係好濃而佢個汁酸微微咁食起上嚟好夾而炸魷魚雖然聽落去好似好普通但係佢襯白色個個係蒜香醬汁同紅色嗰個係雞尾酒醬汁兩個點起上嚟令到魷魚嘅鮮味更加香之後我哋叫咗一個意粉同埋一個pizza意粉到咗侍應會問你需唔需要加一啲芝士而侍應真係會將一舊芝士攞黎然後磨成芝士粉落落去嗰啲意粉上面令到呢個意粉更加香更重芝士味呢樣野係超贊嘅而嗰個Pizza呢BBQ味好香好濃 襯埋芝士好特別最後我最期待嘅芝士蛋糕終於到咗啦哩個蛋糕係我睇OpenRice 介紹嘅時候已經好想好想食終於佢就嚟到我嘅面前啦當初睇佢嘅Menu嘅時