茶木‧台式休閒餐廳 (黃埔天地)

营业中

休息中

自從紅磡呢間裝修咗之後都冇嚟食過，今次第一次嚟試「高級版」茶木睇餐牌的確精緻過之前，感覺上好似用料靚啲健康啲間唔時會有特別款式，今期係鳳梨主題🍍本身想試金鑽鳳梨香煎沙朗配野菌藜麥飯，但係太想食佢嘅手作麵，所以冇叫到▶️ 烏魚子元貝手作麵 ($98)手作麵食落非常彈牙煙靭🤩感覺似意粉同烏冬嘅混合體，好好食材料豐富，有枝豆、紅豆、雜菇、車厘茄同抱子甘藍，令手工麵冇咁齋，個人幾鍾意呢啲配搭，唔奇怪👍🏻醬汁夠creamy，食落有浸芝士香味🧀掛起手工麵入口好正面頭兩粒巨型帶子煎得唔錯，有啲半生熟口感(入面少少似刺身)好有嚼口，而且味道新鮮🤤配上烏魚子味道勁濃 ▶️ 茶藝師精選純茶見佢有個‘🥇’不過唔知點解飲落覺得好普通😅茶味好淡，可能俾啲冰溝稀咗？仲要失敗嘅起我最尾差唔多飲晒先發現原來有跟珍珠🙈-食物質素進步咗，賣相亦高級咗調味配搭方面做得好咗，唔係淨係一味鹹為求惹味鍾意佢不斷有新款式，令佢起本土台灣菜入邊突圍而出裝修咗之後成間鋪大咗，感覺開陽咗冇咁迫服務就一般般，有個男後生樓面侍應態度麻麻地，不過收銀處嗰個就幾好唯一係價錢一樣偏貴，個人覺得佢份量細，食完一個都唔飽😢性價比低

放工同舊同學食飯，我記得大學時期佢最鍾意食茶木嘅甜品。呢日佢嚟黃埔搵我，就一於同佢重拾舊味😃，幫襯「茶木」。近年茶木嘅環境裝修愈變愈靚，行小清新嘅風格🌱。我覺得茶木係台灣新派菜嘅代表🇹🇼，就例如當年就係佢引入台式窩夫多士甜品。菜式食物選擇繁多，定價就屬中等水平啦。佢採用手機QR Code落單，方便得多。我哋嗌咗一個晚嚐二人餐👫($298)，內容都幾豐富，包括一款小食、兩款主食同兩款飲品，另外仲可以追加小食同甜品。Teawood紅燒牛肉麵，呢個係餐廳嘅招牌湯麵🍜，湯頭濃郁，不過如果微微辣或許更惹味；而手作麵條闊度適中，口感富嚼勁。🥩燉牛肉有三大件，類似牛腱，帶膠質同咬口。同時，佢仲有幾大嚿蘿蔔🥕。烏魚子元貝手作麵，🍝依個有啲似台灣食到嘅意麵，麵質偏笠身，所以比較易滯。烏魚子口味嘅醬汁頗為特別，同明太子或蟹籽完全唔同，而嗰兩粒煎帶子就幾正，夠鮮味。台式滷味拼盤，拼盤由雞翼🍗、牛肚、牛𦟌、豆腐、豬腩片同溏心蛋所組合而成，除咗蛋之外，全部都有兩件。佢哋滷得入味，但少鹹。其中溏心蛋唔錯🥚，蛋黃做到不凝固、半流動嘅狀態。櫻花蝦花枝餅($58)，🦑手打花枝餅質感彈牙，入面堅係有花枝肉，而且用上櫻花蝦

平日晚上好少同媽媽出街食飯，今次近近地喺黃埔茶木食咗個二人餐。😋依間茶木同平時見到嘅有啲唔同，成間餐廳以茶為題，主打精品茶飲同以茶入饌，望落都幾特別。🤩-晚嚐二人餐 $258包兩款台風小食、兩款主食、及兩杯飲品-👌金黃鹽酥雞（半份）鹽酥雞未算超級出色，個人覺得外皮可以更為酥脆😳，但勝在有調味補救，分量以兩個人嚟講都好足夠。-💛櫻花蝦魚湯浸娃娃菜（半份）相比起鹽酥雞，個人反而更欣賞碗娃娃菜，魚湯有鮮味，娃娃菜清甜多汁，櫻花蝦香味十足，一碗娃娃菜平衡番台灣菜一般嘅油膩感，正！😆-💛茶香三文魚湯漬飯依道茶香三文魚湯漬飯係茶木以茶入饌嘅招牌菜，茶湯底好香濃😍，配料有木魚片，櫻花蝦，同香口米通，食落口感豐富。湯飯味道亦有層次，用茶香同高湯，帶番出白飯嘅甜，確實有驚喜😍。唯一比較可惜嘅係三文魚煎過火咗啲，肉質唔夠嫩滑。🙃-💛烏魚子元貝手作麵烏魚子手作麵算係比較少見嘅料理，食落醬汁超濃奶油同海鮮味，手作麵麵身有韌性，整體唔錯，但一個人食真係會好膩，建議最好同朋友share。😋-跟餐飲品☕️黑糖薑母茶-回頭推介度：3/5 食物質素：3/5餐廳環境：4/5 

一直都好鍾意食茶木因為覺得佢環境又幾好，啲嘢食仲好有水準係時候幫佢打返個食評環境裝修愈嚟愈文青styleBackground music 仲keep住播台灣嘅歌連餐牌都變到咁靚忍唔住影返張相彩虹眷村用手機落單講返嘢食先又係先介紹咗最鍾意嘅先呢個手作麵係我覺得最好食嘅野基本上每枱都會叫勁creamy、啲麵有口感、而且兩粒元貝勁大台式滷味拼盤都唔錯最驚喜係個豆腐佢入面居然係嫩豆腐、好滑賣相好靚牛肉麵個湯十分之香濃好好飲、而且紅蘿蔔🥕好淋大合照見到滷味拼盤個溏心蛋太靚忍唔住叫多碟、因為得半隻唔夠分哈哈真係好好味呢杯都好好飲只係叫咗小冰但佢本身都唔會太甜出面層朱古力脆脆好香最後就係嚟到茶木無可能唔食呢個啦水準依然麵包真係次次都整到咁脆但好多野都賣哂本身想食啲小菜架唯有下次早啲去食

太耐冇食茶木 見黃埔呢間裝修好特別 menu亦都轉左好似fusion菜咁就入去食依加全部用手機落單 水可以喺出面自己斟~成間鋪色調好舒服平日有晚市套餐 仲新出左二人餐 都幾多款式可以選擇 甜品選擇都多左同吸引左😍可頌窩夫落單時見每款每日限售三份(左)木柵鐵觀音奶茶 鐵觀音茶味好出 有少許炭焙味 珍珠亦好煙韌彈牙 (右)朱古力脆脆燕麥拿鐵 除咗榛子脆脆外最頂層仲有豆花😍攪勻飲每一啖都有滑滑嘅豆花口感唔錯 成杯野好夾 燕麥味好香 朱古力味唔會好甜路邊灘小食有鹽酥雞排 鹽酥魚丸 台灣腸一次過滿足我食幾款台式小食嘅慾望😻魚丸好彈牙多汁 台灣腸跟咗好多蒜片😋墨魚鮮蝦茶香藜麥飯擺盤精美 除咗鮮蝦仲有花枝餅 鮮蝦冇殼可全隻食用 花枝餅咬落有啲爽口 好香👍🏻烏魚子元貝手作麵望落都好吸引 烏魚子味道好鮮 幼身手作麵軟硬適中而且好掛汁 元貝火喉亦調校得啱啱好 大大粒 肉質鮮甜肥美有別於以往茶木嘅吐司 今次出左個抹茶鮮果流心歐軟相當吸睛😻歐軟包好鬆軟 醬汁係流心抹茶奶蓋做 加埋好滑嘅麻糬 面頭仲用左唔同水果砌成花 配搭Haagen-Dasz抹茶雪糕❤️好味👍