Outback Steakhouse (新城市廣場三期)

营业中

休息中

第5波疫情終於有跡象完結，由一月尾開始就冇出過街食飯，相隔3個月約朋友見吓食個lunch，由於好多餐廳爆滿，我哋最後揀咗間相對少人又大路嘅西餐。基本上係Outback食過咁多次都正正常常，個人覺得最好食係佢哋個黑糖麵包同牛油，原來朋友都係咁諗。我哋每人叫咗個set lunch，包咗麵包，湯或沙律同野飲。🔸烤帶子煙肉白汁燴飯🔸個飯味道唔錯，煙肉包住帶子，一食落口不得了，好很鹹！就算連飯一齊食都非常鹹， 最後我放棄咗塊煙肉。🔸燒雞肉芝士夾餅🔸夾餅份量都唔少，上枱已經切好4件，方便食用，唔好以為個餅係脆，其實是軟的，就咁食有d 乾，加返少少佢配埋嘅醬會好d，味道不過不失。食物質素正正常常，但餐廳環境幾好，同朋友坐得舒舒服服，吹吓水其實都唔錯。

餐牌轉了, 再沒有午餐或下午茶之分, 以前午餐時段可無限refill黑糖麥包, 現在來個late lunch或early dinner也可吃個夠。不過現在的套餐已沒包沙律, 想吃的便要加錢加配。價格方面, 相對於一年半前, 大部份的選項已加價, 在沒有沙律, 但黑糖麥包及餐飲依然可無限refill下, 抵唔抵食便自行衡量了。Daytime Specials - Main Course $118 + 10%1) 是日餐湯: 粟米忌廉湯2) 黑糖麥包3) 主菜: 烤帶子煙肉白汁燴飯4) 凍檸檬茶粟米忌廉湯粟米味濃, 粟米甜, 湯質感偏稀, 整體味道不錯。黑糖麥包依然吸引, 唯本身不熱不暖, 放久了外皮變得更硬, 有點失望。烤帶子煙肉白汁燴飯有少少辣味, 質感極之creamy黏立, 雖然有車厘茄幫忙解膩, 但仍覺膩滯。帶子肉質算爽口, 外有煙肉包著, 雖然煎過, 但煙肉香味不足。凍檸檬茶有檸檬3片, 茶味略淡。