Season Plus (已結業)

今次黎到上環街拍，經過一間餐廳門口好靚，所以做完野就入去左食～咁岩係平日既關係～餐廳好寧靜，好舒服，可以慢慢食下野，同朋友傾下計🥰呢度有酒水任飲既選擇，由於我兩個朋友都唔係好飲酒，所以叫左兩杯白酒～配埋生蠔🦪好正～我地叫左個海鮮拼盤，都幾大盤😋😍有龍蝦，蝦，螺，帶子同大啡菇😍每隻都用左芝士黎焗😋😋焗既火喉岩岩好！好好食～ 隻龍蝦都大隻好厚肉！其他都烤焗得唔錯～之後我哋仲叫左個黑松露意大利飯個汁好濃味，好鐘意黑松露呢個味道，好香😋跟住仲有炸雞軟骨～酥脆唔油膩，份量都唔錯～餐廳環境幾舒服，又乾淨，平日可以同朋友黎呢度飲下酒吹下水都幾好～

星期六瞓醒起身都已經係中午☀️，我哋散步行陣順便搵嘢食。行到去上環西街發現原來呢度都開咗「Season Plus」，之前喺銅鑼灣食過，質素幾好，所以有信心再次嚟幫襯。餐廳有提供Brunch Menu🍴，包括全日早餐、沙律、意粉同漢堡包等，價錢介乎$88至$168不等，每人加$48仲可以任飲紅白酒添🍷。不過留意返個餐本身就唔包任何飲品。傳統早餐伴燒牛肉($168)，早餐有幾個款式，主要分別係原味再配搭唔同嘅食材。我哋就揀咗燒牛肉🥩，齋睇個樣已經覺得好唔錯，咬落非常多汁，而且牛味亦都濃郁。再者，燒牛肉份量多，切開有成七八塊，超抵食囉！除咗牛肉外，傳統早餐其實好豐富，包括有法包、雞肉腸、原隻大啡菇、新鮮車厘茄、茄汁焗豆、煙三文魚同黑松露炒雞蛋。🥖法包新鮮烘焗，所以好脆。🍅車厘茄有好多粒，味道唔酸，仲好開胃。🍳而炒蛋就炒得好滑好香，黑松露味則作錦上添花。烤焗海鮮拼盤($298)，今日再次嚟到，我哋同樣嗌咗海鮮拼盤，皆因真係覺得佢性價比高👍，拼盤項目包括波士頓龍蝦、扇貝、翡翠螺同虎蝦。海鮮質素大致上都唔差，而且調味仲好惹味，例如🦞龍蝦同扇貝就加咗芝士拎去焗🧀，而翡翠螺同虎蝦就用上蒜蓉🦐，各款味道均

一直都有幫襯season plus旗下既餐廳，因為覺得抵食，環境又好，知道上兩個月係新開分店，一定要幫襯下！上環分店以楓葉做主題，係一個唔錯既打卡位tim呀~環境簡約寬敞，頗有藝術格調，位置有D偏，所以呢到都比較靜。可以嗌番枝酒同朋友一齊chill，再嗌埋生蠔更加抵食，而晚市都有好多選擇~精選生蠔，黎到season plus點可以唔食生蠔！呢到生蠔出名抵食，而且味道鮮甜口感肥美～美國特級安格斯西冷，完美格網紋，望落去好吸引，嗌左五成熟，肉質口感岩岩好，香口又濃郁！烤焗海鮮拼盤，中意海鮮既朋友一定要試下~有龍蝦、田螺、扇貝、大啡菇，拼盤超豐富～田螺，新鮮又煙韌，仲要好香口！扇貝，帶淡淡芝香，食落鮮甜啖啖肉！龍蝦肉質彈牙，但味道略淡，芝士味唔夠香濃～

呢間餐廳最近先開業，上環地鐵站行十分鐘左右就會到，就當食飯前做下運動。門口紅葉佈置非常搶眼，而且秋冬坐outdoor都幾舒服，岩晒打卡。主打海鮮、扒類。當中必叫一定係生蠔，因為價錢只係由$9起，試左南非、法國gillardeau同美國生蠔。我比較鐘意中價嘅南非生蠔，帶少少海水咸味，仲好creamy！烤焗海鮮拼盤一次過可以試多種烤海鮮，包括龍蝦、元貝、蝦、翡翠螺同啡菇。白酒煮馬尼拉蜆最有驚喜一道菜，竟然將平平無奇既蜆煮得一出神入化。美國安格斯肉眼好大塊，牛肉質豐滿，肉理細緻，入口香味濃郁，伴菜仲有有薯角。