Gastrobox The Cameron (已結業)

係尖沙咀番工, 夜晚同男朋友約食飯最方便當然要係番尖沙咀。然後晚餐揀左Gastrobox, 貪其環境靚之餘又夠格調, 而且入到去餐廳氣氛簡直一流, 氣派高尚, 樓底高. 柔和的燈光, 坐得好舒服。Order 完畢, 無論有無叫湯, 店員都送上幾片香草麵包，抵讚!前菜白酒忌廉香草青口配蒜蓉包Blue Mussels in White Wine Sauce with Garlic Bread藍青口好多隻, 食得好新鮮, 肉質鮮嫩肥美, 白酒忌廉夠creamy 但又唔係好覺肥膩, 配焗得香脆的蒜蓉包點落去食就最perfect! 即使唔dip 就gam 當湯飲都好正!烤特級安格斯肉眼牛扒(12安士)安格斯牛扒一直是男朋友的最愛, 這裡的烤安格斯肉眼烤得好香,牛味濃之餘，仲好juicy, 我地叫5成熟, 廚師生熟程度拿捏得好好, 水準一流!! 伴碟有番茄、蘆筍、椰菜花仔, 好睇好食仲好健康!!連伴碟都靚過人ar!黑松露焗龍蝦米多伴意大利粉, 龍蝦米多即是龍蝦占米多, 這道菜功夫複雜, 要先把龍蝦起肉切粒，混洋葱、菇菌、忌廉、白酒等炒勻，再把肉和黑松露放回龍蝦殼再焗。最喜愛吃時不用鋸肉，懶人至愛。

尖沙咀嘅食肆不少，要搵一間價錢唔貴，但環境又唔錯嘅餐廳都頗花功夫，最近到訪位於金馬倫道一個商場嘅西餐廳 - Gastrobox。餐廳門面闊落，但實際面積唔算話好大。最吸引人之處就係大部分位置後面都係大玻璃，可以望到窗外情況，視野廣闊，幾加分。店內裝潢幾有格調，樓底夠高，歐式佈置加上柔和燈光、別緻嘅吊燈、擺設，幾適合情侶約會，唯一可惜係座位間嘅空間不足，相對冇咁寧靜不過值得一提係店員嘅服務好細心有禮，都算為晚餐加分不少。餐牌供應二人晚餐，亦可單點食物，例如沙律、湯、炸物、前菜、海鮮、扒類、羊仔鞍、意大利粉、意大利飯、小食、甜品。單點選擇一款主菜/意大利粉可加$68升級為套餐，包括沙律、餐湯、餐包、飲品，自由度較大。煙三文魚凱撒沙律煙三文魚卷成花形狀，賣相討好，食落都唔會過鹹。沙律菜新鮮，醬汁量適中，加上麵包脆脆，口感豐富。甘筍忌廉湯以甘筍蓉製成，並冇加上額外調味，係食材最原始嘅味道，質地唔會過稠，味道香濃。餐包裡面有啲蒜蓉香，仲有啲香料嘅味道，包身微溫，都幾好食。烤特級安格斯肉眼牛扒 $318/12安士牛扒驟眼睇都幾大塊，外面烤得幾惹味咁，比較薄身，因為我唔食太生嘅牛肉，點左七成熟，熟成