畢打奧餐廳

营业中

休息中

15/10/2023📍畢打奧餐廳睇完Milmilk 條片先識呢間老牌西餐廳出片之前其實無咩人食條片出左2個月就仲係好多人食當晚7點左右都好多人等位餐廳好多座位 坐滿人嘅時候都幾嘈1. 餐湯&餐包 有羅宋湯同忌廉湯揀 幾大碗 味道唔錯餐包就冇乜特別 暖暖哋 唔想咁飽就唔好食啦 🌟：2.5/52. 新西蘭西冷牛扒 （$159）嗌咗medium rare肉味係有嘅 都咬得開加埋蒜蓉汁好食啲薯角同西蘭花都冇咩味🌟：3/53. 美國肉眼扒 （$189）都係嗌medium rare 加黑椒汁同西冷差唔多 但更加腍身肉味都濃少少🌟：3.5/54. 焗法國田螺 （$69）一共6隻 本身已經有牛油同調味肉質彈牙 幾好食下面仲有薯蓉又係勁香牛油味 正👍🏻🌟：4.5/5 我哋兩個人食咗 ～$460 （連加一）🌟：3.5/5

粉嶺上水不嬲都唔多西餐廳，上網見到依間咁多年嘅老店就即刻走嚟試吓。頭盤有羅宋湯同餐包。羅宋湯好足料，唔似其他舖頭溝水溝到好稀咁。主食係牛魔王焗飯。咖哩牛腩好入味，牛腩唔韌十分唔錯。牛仔骨一啲都唔薄，數量好夠！仲額外嗌咗個焗法國田螺同埋酥皮海鮮湯。田螺好有鮮味，酥皮湯都好正！滿足晒我食西餐嘅願望。舖頭地方好寬落，枱櫈無排到好逼，食得好舒服。員工都好有禮貌，有主動問使唔使紙巾同加水，服務好好。下次放假再嚟食個晚巿，試下佢啲調酒

好有歷史味道嘅上水酒吧餐廳，係大家嘅集體回憶地方☺️開左好耐，由細細個開始餐廳就屹立到宜家，有唔少回憶，係唔少北區街坊嘅情懷地，加上環境好有酒吧特色🍻🍽️<餐湯(羅宋湯/忌廉湯)+餐包>餐湯好足料，紅湯蔬菜好豐富，白湯好濃郁，最正系個包，好好味，發酵得好香，唔知有無Taste錯，食到一股核桃嘅味道，好好好味😋🍽️<焗法國田螺>買少見少嘅一道菜，有自己獨特餐具去品嚐，唔係周圍都有得食，賣相好靚，田螺都好肥美，每粒田螺都焗得好均勻，入面有好香嘅蒜味同田螺汁，搭埋墊底嘅薯蓉，正啊👍🏻🍽️<鐵板牛柳>一上台已經feel到塊鐵板真係好熱，好有鐵板氣，兩大塊牛柳都比鐵板辣到滋滋聲，淋埋黑椒汁就更加熱氣衝天，牛柳一D都唔會韌，而且薯角有好獨特嘅味道，唔錯，配菜都好豐富，有茄子，南瓜，唔係咁多餐廳會準備得咁豐富🤩🍽️<燒春雞>燒得好嫩滑嘅雞，皮都好香，好脆，仲保留左好多肉汁添，好味🍹<凍檸茶>用自家制嘅外賣杯上，好特別，配上濃郁嘅茶膽🥤

寫食評大概是一個擱置了十年的計劃，最近疫情見曙光，決定拿最近一次疫市探店的經驗小試牛刀，記錄下這段難忘的時刻，也祝福一下在疫情中很艱難的社區小店。　　在限桌令、禁聚令生效期間，畢打奧似乎算是生意不錯的。始終是屹立北區多年的地區老牌餐廳，有歷史、有故事、有感情、有味道，忠心粉絲沒有被疫情打倒。筆者作為北區人，同時也是光顧畢打奧多年的老街坊，今日和朋友約在這個老地方再續未曾寫下的故事。　　量好體溫、搓好洗手液，進到店內就座之時，我們發現了餐廳的小貼心——一個讓你暫放口罩的小紙袋，靜靜地躺在桌上等待客人。這份餐點以外的額外服務與照顧，實在令人感動。他們大可不必做這麼多，但卻為你著想了。這一刻，我有種「一輩子都要光顧畢打奧」的感動。（笑）　　點好餐，先上來的是餐包與湯。　　近年來畢打奧最欣賞的就是他們的餐包：歐式麵團的外脆內軟，煙韌耐嚼的口感，結合剛烤熱的香甜麥味，實在令人愉悅；麵包大小更是恰到好處，小巧的麵包，稍感滿足但不致吃不下飯，很是討人歡心。對喜歡麵包的客人來說，一個用心的小餐包已足以打敗許多西餐廳。特別偷拍了一張餐廳內焗麵包和預備咖啡餐湯的小角落，位於用膳區的正中央，讓每個客人都可以

住上水的人對這間餐廳應該不會陌生，原來這間餐廳已有四十幾年歷史，搬到嚟這區都有20年，主要都是做街坊生意，是間性價比高的餐廳 。今日我地一行2人，叫咗個酥皮周打魚湯，厚砌牛仔骨，畢打奧經典咖哩雞，焗法國田螺，同埋凍水果茶。先講這個酥皮焗周打魚湯，酥皮焗得鬆脆可口，配合湯和豐富的材料一起用，特別美味。畢打奧水果茶， 特選錫蘭紅茶葉混和秘芳方香料和時令水果一同泡出獨家味道。這道頭盤是法國焗田螺，利用酥香的牛油滋潤螺肉，當爐火把牛油熔於肉中，螺肉變得甘香軟滑，入口香酥，再伴以香脆軟滑的薯茸，半打田螺很快就KO了😂畢打奧經典咖哩雞，雞同薯仔份量也不少，辣度剛剛好，配飯一流！跟住嚟咗個厚切牛仔骨，我叫咗七成熟， 送到來好香，有驚喜喎， 牛肉味濃，鮮嫩又多汁，推薦。👍餐廳裝潢有懷舊酒吧feel,用來打咭也不錯。

今晚同老婆去左舊墟附近搵食，平日夜晚比較少內地人，所以啲餐廳都會有位。行行下老婆就話想去間好耐無食過既餐廳，有扒食的。第一次黎呢間鋪比我個feel好似英式舊餐廳，有3分1間鋪做左酒吧。枱都有好多張，而且上菜都唔慢，繁忙時間都可以黎碰碰運氣。先黎兩個餐包，個包熱辣辣好新鮮，摸落個面以為好硬，點知用刀一切，原來個面好脆入面好軟熟！餐湯係羅宋湯同龍蝦湯，羅宋湯有色有味唔算辣，並唔係稀框框淡而無味的。龍蝦湯好香，味道濃得黎又唔係咸。老婆就要左杯水果茶，好大杯夠兩個人飲，唔係好甜，應該係靠入面啲生果出味，好fresh！我就要左杯紅酒一陣食扒，杯酒唔澀易入口。焗法國田螺，用蒜蓉一齊焗令到啲螺肉好好味，而且肉好爽口。西冷牛扒拼大啡菇，牛扒要左5成熟，切既時候無血水，但食落好juicy。個菇煮得唔乾，又香又多汁。薯仔應該落左咖哩粉一齊煮，所以好香咖哩味。香草焗鱸魚，鱸魚上面滿佈香草同蒜蓉，但食落味道無想像中咁濃烈，恰到好處。

喺上水有歷史的餐廳越來越少，適雅餐廳係唔少北區人由細食到大的西餐廳。「畢打奧」依個名比餐廳中文名「適雅」更多人識。晚餐價格豐儉由人。每逢有波睇的日子，特別熱鬧。平日同三五知己嚟飲返兩杯都唔錯。焗法國田螺（半打）+$55牛油溶於螺肉中，螺肉肥厚軟滑。底下的薯蓉吸收螺肉和牛油的精華餐包係非常香脆的芝麻包，外脆內軟，有驚喜。碳燒安格斯T骨 $24916安士的脊骨肉係扒中之王，五成熟最完美。入口滿佈肉汁，肉質柔軟，牛味濃郁。近骨的部份充滿油香，滋味無窮。跟餐包括酥皮焗周打魚湯，入口濃滑細膩，不過今天的酥皮不夠酥脆。三文魚扒龍蝦汁 $136 三文魚扒外層香脆，肉質結實，加入鮮中帶鹹的龍蝦汁為三文魚扒增添美味。伴碟的薯菜都同樣美味，南瓜又香又甜。食西餐加一碗美味的酥皮龍蝦湯，充滿回憶的味道。龍蝦湯味道香濃，入面加入蝦肉粒。配埋香脆的芝麻包，令人回味。（餐湯升級 +$29）Fruit Tea潮流興飲水果茶，今晚唔飲啤酒，飲茶。水果茶內容豐富，味道係自然的水果味，新鮮菠蘿、提子、火龍果...填得滿滿的。跟餐只係加$19（原價$50）。