甜蜜蜜甜品專門店 (已結業)

食完正餐，就梗係要食埋個甜品架啦!! 尖沙咀有唔少甜品店，平時食開中式，今次轉食西式，等候時間再長D，但都不減人龍。等左大概4個字就入得，不過座位比較擠迫，預左無得慢慢嘆。身為綠茶控，見到呢度有綠茶心太軟，即刻揀左佢，無再被其他甜品誘惑到。焗綠茶心太軟伴豆腐雪糕 $64餐廳擺碟幾有心思，一D都唔求其。心太軟雖然岩岩焗起，但香氣完全比唔上朱古力心太軟，兩款心太軟同時上枱，但只味到香濃既朱古力味….令我有點後悔點左綠茶味😣。試左兩款心太軟，都係朱古力味好食D，朱古力香濃且有少少回甘香，但綠茶味就少左D層次。焗香橙朱古力軟心梳乎里伴青檸雪葩 $62呢個等左近5個字先到，我懷疑小店係等幾個梳乎里order先一次過焗🤔，因為比我地遲入座既客人都同時上梳乎里。友人表示味道麻麻，橙味偏淡，唔值得等咁耐。焗朱古力心太軟伴雪糕 $62如果想食西式甜品，而呢度咁岩又唔駛等位既話，都可以試一試。不過，我個人覺得性價比唔高，應該唔會再黎😅。