野玩田店 (已搬遷) 新店位置

無諗過係K11行行下街會見到咁田園風既餐廳🍴未入去已經見到好多花草樹木，非常文青！門口既植物仲種緊架！餐廳有好大個玻璃窗，可以好清楚咁望到外面既風景，每張枱都放左的綠色植物做裝飾，配上木製的枱同椅子，文青打卡一流！餐牌都用左綠色既設計，感覺非常舒服，好像身處自然既感覺。坐底無耐侍應就拎左的仲熱既餐包比我地，勁香既蜜糖甜味，忍唔住流口水🤤主菜叫左韓式和牛面配韓式牛肉汁$348好特別既和牛面，一上枱見到好大塊牛肉，牛肉切落唔硬非常容易切開，牛味十足，咬落有口感，中間仲有少少骨膠原咁，好過癮！韓式牛肉汁係甜既，配上牛肉面同泡菜非常特別！用黎做配菜既係炸蕃薯🍠代替炸薯仔，非常健康！蕃薯勁甜，炸得非常軟，好好味！食唔停口，仲可以沾韓式牛肉汁，非常夾！不錯！小食方面叫左焗芝士溫泉蛋大啡菇 $110鐘情於芝士同溫泉蛋既我非常滿意呢個大啡菇，芝士味香而溫泉蛋生熟度剛剛好，大啡菇焗得夠淋身，份量亦足夠！不錯👍🏻切開溫泉蛋時，蛋黃慢慢流出黎，真係好治癒！天然蝶豆花伯爵茶湯力 $78外歡非常靚，用冰塊雪住左成朵蝶豆花，打卡一流！倒落去既時候會見到杯底既紫色慢慢漸變，非常靚！伯爵茶味頗香，飲落回甘，帶少少青檸

黎呢食野真似去左田園甘，棕色配綠色既餐桌，再加上好多草做裝飾，感覺份外舒服！還有個個開放式廚房，目測非常整齊及乾淨，真心覺得食得安心一坐低店員就送上熱辣辣既自家製麵包及棒棒條，食落的確比坊間好多麵包店好食呀！芝士磨菇釀雞翼 HK$82一碟四隻又夠足料，中翼位置去骨釀上芝士磨菇，食落啖啖肉，肉質又夠鮮嫩，食得津津有味呀！焗芝士日本溫泉蛋大啡菇 HK$110由於我妹非常之喜歡食大啡菇，雖然有d貴，但是還是叫了！食落真係非常之鮮甜多汁，完全沒有焗乾既跡象，蛋漿仲多到好似泉水咁湧出來，那算是值回票價呀！日本頂級帶子海膽汁意大利飯 HK$208帶子夠大粒又夠鮮，絕無雪藏味！值得一讚！另外個海膽汁意大利惹味到係會令人追食落去的！真係冇揀錯呀！香煎比目魚配辣番茄汁 HK$268我想講個份比目魚煎得好香口，我地秒速KO完先留意到有個辣番茄汁！旁邊既配菜同樣選材得不錯，全部都好好食！可以食到乜都清晒，只剩低隻碟！哈哈！呢度d野食賣相真係好鬼死精緻！未死已經被佢地個樣呃鬼左先！仲要好睇又好食個下先至冇得輸！絕對好快會再見！

2017年曾經去過野玩山店及野玩海店，今天終於有機會到訪野玩田店。餐廳位於K11 NATURAL專區，與很多健康品牌商舖集合於同一範圍。野玩田店為配合田園主題，裝修比較簡潔，以木色為主。餐廳主打有機食物、Super food、及大量健康食材。通常健康食物都會聯想到不好吃，但野玩田店將所有食物都包裝得很吸引。總括而言，價錢中等，食物款式選擇多。是適合素食者前往的餐廳。______________________________🔸 黑松露片炒農場雞蛋酥盒 $95黑松露味好香，與嫩滑的炒蛋融為一體，放於酥盒上。酥盒皮夠酥脆，好像蛋撻皮一樣，帶微暖。作為Starter很不錯。🔸 焗芝士日本溫泉蛋大啡菇 $110大啡菇有手掌心咁大，中央位置放了一隻半生熟的溫泉蛋，上面舖左一片芝士，焗過之後，芝士溶化。一刀切落去，所有野都好juicy，好食。🔸 香煎比目魚配辣番茄汁 $268依到既比目魚唔同日本料理個款，依到係兩條大大既比目魚魚柳。兩邊煎到金黃色，帶少少脆。淋少少辣番茄汁(其實唔多辣😂)，微酸得黎又幾開胃。🔸 自家製黑松露野菌芝士意大利雲吞 $168意大利雲吞中間包左黑松露野菌，微微帶油，但可接受