無問題 (已結業)

去完鹽田梓，入左無問題食晚飯。揀佢係因為靠近碼頭，好寫意既感覺。點知野食都有驚喜~首先係無問題漢堡，即係牛肉漢堡配薯角，份量大，而且係即叫即整既，麵包烘到表皮有少少脆，牛肉亦都好厚身，絕無欺場。跟住輪到巴馬臣豬扒，係吉列芝士豬扒，呢個有驚喜，芝士鋪係吉列皮上面，多左香口既滋味，大塊又厚身，配上大量薯角，捧住個肚走呢間餐廳不收加一，好難得，環境又靚，對住個海，侍應有禮貌，亦都可以玩桌球，值得encore

今日係特別日子 所以同女朋友食好啲😆尼間個view好正 對出就係西貢碼頭 好舒服😌晚間仲有啲着左嘅燈仔掛咗係天花 即刻浪漫左👍🏼我地嗌左個 南瓜湯 好有驚喜👍🏼好濃南瓜味 同時又有少少蒜味 令到湯嘅味豐富左 仲有兩塊熱辣辣嘅麵包 正🤤嗌左個小食 MAC and Cheese🧀因爲女朋友好鐘意食芝士熱辣辣新鮮焗起 仲有拉絲 好邪惡🤤雖然係小食 但係份量一啲都唔少!!! 我地最後食唔曬🙈Main course我地嗌左 「無問題漢堡」應該係佢地嘅招牌burger🤔漢堡都幾厚 仲好juicy 不過牛味就唔算好出啲薯角熱辣辣同好脆 女朋友食到停唔到口🤣飲品我嗌左杯 Ginger Ale 冇乜氣 少少甜🙊唔係平時飲開果啲女朋友就嗌左杯Hot Chocolate 中規中矩啦🙈Overall都唔錯嘅👍🏼夜晚食幾有feel 果晚又唔多人 岩曬鐘意靜靜地嘅我地😌