正宗印度餐廳及酒吧 (銅鑼灣道)

营业中

休息中

去開中央圖書館，想搵個地方歇歇腳飲杯野。但係銅鑼灣嗰邊又遠又多人，所以決定近近地向大坑方向搵食行到去大坑咁啱開始落大雨！咁啱係眼前就有間印度間廳及酒吧，啱哂，入去坐坐飲杯野都好。舖頭小店放咗幾張檯，裝修好有印度風，仲要好乾淨，抵讚！店員仲好nice好有禮貌。餐牌有好多唔同款式嘅咖哩，仲有中英對照圖文並茂好方便點菜。叫左mango lassi同gunner，另外再加左個chicken tikka無骨燒雞。Mango lassi 芒果味好濃郁，超解渴。Gunner係ginger ale加薑啤再加柑橘類調味，超夠薑！無骨燒雞用鐵板上，係雞下面加左一層生菜，所以啲雞熱得黎又唔怕會燶，好細心。雞肉好入味而且用胸肉，一啲都唔肥，而且香料好夾，食到停唔到口。每枱仲送一份薄脆，配上4款醬汁，口痕㗳兩啖辣得黎幾過癮！走個陣停咗雨，先發覺佢哋有每日唔同嘅promo，下次一定要返黎再試其他菜式

今日Lunch time咁岩去天后做野，緊係去大坑搵食，由於上次食完呢間正宗印度餐廳勁鐘意塊薄餅，今次一於再去！今次叫左無骨烤雞同咖哩雞，都係配薄餅。首先個presentation已經贏左，而且塊薄餅外脆內軟烤得好香口，其實齋食已經好好味，點埋d咖哩汁真係完美，高度建議大家都叫汁類既主食，配薄餅一流。無骨烤雞啖啖肉，燒得好香，但唔會燒到乾晒，keep到d雞好juicy。咖哩雞就好香濃既椰香味，個辣度偏辣岩晒鐘意食辣既我，雞肉亦嫩滑。我地仲叫左個印度熱甜雙寶做飯後甜品，本人唔鐘意食甜野，但佢個texture幾得意，有d似dougnut咁，外面d糖漿偏甜所以我就麻麻鐘意食，但我肯定好多鐘意食甜野既人會鐘意。

公司搬左去天后，Lunch hour行到去大坑見到有間印度餐廳，緊係入去試下。餐廳好細，最多只可以招呼二十人左右，但藍色既牆加上黃色既裝飾好sharp醒好有異國風情。Lunch set好抵食，五六十蚊就搞得掂個set仲包埋野飲，我叫左咖哩蝦+烤餅，我同事就叫左無骨雞肉飯。第一樣上菜既係是日餐湯，個湯好濃稠，但因為本人好少食印度菜所以食唔出究竟用咩材料整，不過酸酸的好開胃。之後上菜既係無骨雞肉飯喇，個雞既份量俾我想像少得3舊，但味道同肉質出色，好香既香料味而且係滑雞，一秒原諒左佢。之後既咖哩蝦+烤餅係我最欣賞的，個咖哩好香，好大隻蝦，食得出係新鮮蝦唔係冰鮮蝦，個烤餅係即烤出黎，熱辣辣，外面烤到好脆，點埋d咖哩食真係冇得頂。如果你去到食咖哩既話記得要配烤餅唔好配飯！最後我加左＄12飲芒果乳酪，鐘意飲yogurt類飲品既人一定會鐘意！酸酸甜甜真心正！餐廳所有職員都係地道印度人，所以真係同店名一樣，絕對食到正宗印度菜！