Mee...lemongrass (已結業)

今日收早去接男朋友收工，諗左好耐都係諗唔到食咩，最後又去返食我地覺得好食嘅泰菜地方，已經變左我地嘅飯堂。<無骨酸辣鳳爪沙律，$68>男朋友興起想食鳳爪，佢話好好食。<炭燒豬頸肉，$78>炭燒豬頸肉真係好好食！！！燒得好juicy而且每一塊豬頸肉嘅厚度都好適合，配埋秘制辣汁，簡直令我一試愛上！每次食都必點！！！<馬拉盞炒通菜，$64>馬拉盞炒通菜又係必點，出街食飯比較少點菜，呢個菜好惹味，少少辣，而且通菜依舊嫩滑。<招牌無骨海南雞飯，$80>第一次食呢到嘅海南雞飯，去骨既雞真係吸引。雞嘅味道都唔錯，而且骨都去得好好，略嫌肥左少少。呢個價錢仲配埋個湯同一小碟菜，真係算幾抵食！<泰國豆奶紅豆冰，$32>最後今次點左紅豆冰，有賣相之餘又好味。紅豆好香好甜好腍，配埋個豆奶好好飲。( 無放相因為男朋友出鏡太多XD)

香港現在周街都有海南雞飯，但我食過覺得好味又令我至今想起還回味非常的，就要數皇室堡的Mee...Lemongrass 的招牌無骨海南雞了。當日與朋友行銅鑼灣皇室堡，見到Mee...Lemongrass 的招牌無骨海南雞非常吸引，於是決定試嚇。餐廳潔浄舒適，客人比較多。招牌無骨海南雞半隻$138。海南雞半隻份量十分足，大大碟的海南雞廚師還精心地用車喱咖做裝飾，最最吸引的是海南雞金黃得來十分嫩滑多汁。無骨酸辣鳳爪沙律$68。我在泰式店食過很多酸辣無骨鳳爪，都是醃製得比較淡不夠入味，但Mee...Lemongrass這個無骨酸辣鳳爪沙律醃得非常入味，酸辣味道適中，喜歡食酸辣鳳爪的人，這款必食。素菜喇沙$58。可選擇米粉或油麵，我喜歡食麵，所以揀了油麵，配有菜，雞蛋，豆卜，芽菜。素菜喇沙湯底混厚，味道濃郁，與煙煙靭靭的油麵一斉食，真是口感豐盈，味道豐富，真是十分推薦。

喺銅鑼灣區要搵飯食真係唔容易，特別係平日，又多上班族，又多遊客。週二同個朋友去到皇室堡，試左呢間餐廳，佢地下午時間都好多人幫襯，我地都等左一陣，剛好有人埋單先有位。餐廳位置都幾多，裝潢冇乜特別，用上木枱木櫈，感覺都幾舒適。只係黃金地段，座位間位置較狹窄，分佈都幾密麻。餐桌面積較小，一人一個套餐，都係僅僅放得落。午市供應套餐，包括沙律、主食、甜品、咖啡/茶，定價$62-78，共16款，有喇沙、湯粉、撈檬、粉絲、飯等，選擇多元，加錢可配其他特飲。呢間係馬來喇沙、海南雞飯專門店，眼見都有唔少人食呢雲款套餐，只係我同朋友就一人點左碗粉試試，喇沙、海南雞就留待下次啦。泰式生牛肉湯河粉 $62一set套餐連沙律、甜品、芽菜、椒絲以木托盤上枱，都幾精緻。河粉嘅份量頗多，牛肉有幾大片，可惜略韌椒絲冇乜辣味，湯底唔會太鹹或者太油膩，起碼食完都唔會好口渴沙律係柚子加一枚大蝦，食落都幾爽口。甜品嘅朱古力蛋糕有少少格格不入，而且都係普通來貨質素。炭燒豬頸肉撈檬粉 $62豬頸肉份量多，大概有8-9片，唔會好肥膩，而且外皮燒得幾脆口。檬粉都好大碗，有花生作配料，朋友笑言，食完都唔洗食晚飯。無骨酸辣鳳爪沙律 $68

今日一個人行街見到呢間食店係食馬來西亞嘢想起好耐都冇認真食過馬拉菜，就被吸引左坐低進食佢在商場地庫角落，所以環境比較和寧靜，其實覓食既時間最好係中午飯和下午茶中間時段，因為有兩款餐牌俾你選擇但有時太多又好容易有選擇困難症，我到最後都係選左個招牌喇沙、一個小食和泰國飲品。MEE…喇沙，有豆卜、大蝦、蜆、蟹柳、魚蛋、魷魚、蛋、雞絲，喇沙送上來未食已經聞到陣陣椰香味首先試個湯，辣辣地、甜甜地，好濃好杰椰香豆卜索左個湯好嘢味，大蝦好爽魚蛋、魷魚好彈牙，蜆肉好鮮甜，原來一碗喇沙裏面係有米粉和麵一啖有兩種口感好難形容，而且有噤多配料配搭，真係回味無窮！無骨酸辣鳳爪沙律，望落裏見到好多隻鳳爪食落去酸酸味味少少辣，鳳爪真係少少骨都冇而且夠凍好彈牙爽口，越食越想食！泰國豆奶紫米冰，送上來見到佢既設計好有心思，另到飲既人都開心而且適合喜歡拍照既人post相呃like和懶人唔使用手去倒豆奶，因為飲到去某個位，豆奶會自動倒出，好方便講返呢杯飲品其實除左睇得，個豆奶味道都好濃而且加埋杯內既紫米煙煙靭靭，真係perfect match今餐真係捧著肚走