Garrett Popcorn (已結業)

Garrett Popcorn 是一間頗有人氣的爆谷專門店，口碑俱佳。適逢新年將至，特意到訪採購辦年貨，順便買回一筒回家慢慢品嚐。手信筒裝的爆谷分1/4、1及2加侖，價錢由近百至三百餘元不等，其實不算便宜。可幸的是現在有優惠推廣，買兩筒1加侖的爆谷減$100，總算實惠一點。爆谷價錢貴，相對服務亦較佳，可試勻才買。比較鹹甜口味，鹹味款式試了芝士，口感比較輕身，芝士味道都算濃。甜味款式試了果仁口味及焦糖兩款，果仁配上爆谷其實都算幾好食，但果仁相對上味道較搶，加上大大粒的果仁，難免有少許喧賓奪主的感覺。最後選定焦糖口味，爆谷賣相飽滿圓潤，香脆甜度吸引，係幾好食嘅！

中環Shopping期間，經過爆谷店，傳來香噴噴的味道，不由自主地行去店前望望。有好多隻味道選擇!夏威夷果仁、芝士、牛油、焦糖等等多種味道的爆谷箱，忍唔住即場試食!!!!試過芝士味好濃，不過一包太多又可能有D膩；而焦糖味燶燶地，粒粒都沉過焦糖一樣，甜甜地好好味。份量分4隻Size，細是$3X，戲院價都差唔多，不算太費貴。最後就買了包焦糖味細爆谷。爆谷好脆口，咬落shock shock聲，由星期日買完後，一次之內吃唔晒封返口，隔左近一個星期，D爆谷仲keep得好脆口

嘩!!呢間爆谷店真係好正!其實我個人唔係咁鐘意食爆谷, 平時去戲院睇戲都唔會買 (同埋比較貴)...不過前兩日咁岩經過呢間舖, 幾香!就停低睇下幾錢先~~~一睇價錢都幾合理, 細包裝都係$35個店員見我企係到, 就好主動咁請我試食, 試左焦糖同牛油兩隻味都覺有特色!我個人覺得牛油味比較淡口, 而焦糖就比較濃味, 每一粒都被焦糖包圍住(唔似戲院果d), 好香好脆!所以最後都係買左焦糖味~細包裝其實都幾多, 可以食好耐我之後仲諗住買多包俾屋企試下, 點知俾錢時個店員認得我所以同我講唔駛錢!!個店員真係好熱情又好客!整體黎講, 值得一試!!