Times Coffee

营业中

休息中

行完街過兩條街去呢間cafe打躉，門面都好有feel裡面更有那些年嘅感覺，以班房主題deco，同中同坐低，即刻借景發揮，又再話當年呢度啲座位係用課室檯堆砌，都幾好坐，吹吓講吓，都要energy嘅嗌返個鰻魚南瓜燉飯，呢碟飯啲醬汁都幾多原條鰻魚好厚，都幾大條又爽口呢間嘅刨冰都幾有驚喜，份量幾大杯，冰刨得好smooth，焙茶味好濃郁，食到最後都仲係好濃茶味上面嘅焦糖燉蛋燒到焦脆，同焙茶又幾夾吹水吹咗幾十年咁耐嘅回憶都口乾喇，嗌返杯抹茶雪糕豆花豆腐甜一甜，呢杯唔會太甜，但可以中和吓澀澀地嘅青春

Times Coffee觀塘興業街18號美興工業大廈A座1樓C1室味道評分:☄️(必食之選)>☀️>🌤>⛅️>☀️焦糖燉蛋焙茶冰 $128估唔到觀塘都有超級綿滑的焙茶冰食😭口感好好，焙茶冰個味都幾真&幾出，唔會苦or死甜，刨冰上鋪上了一層焦糖燉蛋，記得要敲碎之後撈埋刨冰一齊食☺️焦糖燉蛋為刨冰帶多一絲甜意，食落開心舒服冇負擔，份量兩個人食啱啱好~🌤️原條鰻魚南瓜燉飯 $128原條長長的鰻魚口感煙靭，鰻魚面的醬都夠，燉飯口感適中偏硬，似正宗燉飯的口味，味道有種粟米忌廉湯罐頭的味，有家的感覺~☀️鹽酥雞塊 $58新鮮熱辣辣出爐，有6件大半個拳頭咁大的雞塊，surprise d雞肉咬落幾滑有調味，重口味的我覺得差少少鹽，多d鹽就完美~

- 觀塘｜Times Coffee -▪️冬蔭功龍蝦汁蜆肉意粉🦞🍝意粉幾足料，有唔少蜆肉，同埋有啲菇菇。冬蔭功龍蝦汁唔太辣，有啲青檸🍋‍🟩、車厘茄🍅，酸酸哋，幾開胃▪️黑松露薯條🍟薯條炸得好香脆，灑咗啲味粉，更惹味，再點埋黑松露醬，味道香濃▪️鹽酥雞塊🐔鹽酥雞啱啱炸起熱辣辣，都幾大件，外皮酥脆，咬開好juicy▪️焦糖燉蛋焙茶冰🍧焦糖燉蛋充滿焦香，面嗰層脆脆哋。刨冰好幼細，入口即化，入面仲有啲椰子脆片，口感層次更豐富▪️抹茶雪糕豆花豆漿🍵🥛好似一杯甜品咁，面頭一大球抹茶雪糕，個底就有啲豆腐花，配埋豆漿，味道幾平衡▪️芋泥豆漿🥛有超過三分一杯芋泥，綿密得嚟有粒粒芋頭，味道天然，仲有得揀少甜或者走甜，唔錯Times Coffee📍觀塘興業街18號美興工業大廈A座1樓C1室

觀塘有間幾特別嘅台式Cafe，入邊好似去咗一個小學嘅課室咁，佢啲餐枱就係以前小學嘅書枱，好懷舊，回想返好多以前小學嘅回憶😛 另外佢keep住都會播台灣音樂，係啲大家都好熟悉嘅歌 🎶 所以食嘢嘅時候都覺得好舒服😌 當然佢啲嘢食都好好食啦，等我推介返幾款必食嘅野食先🤭巴馬臣芝士雞扒 🐥 估唔到雞扒都可以整得咁特別，佢用咗巴馬臣芝士同埋特別嘅醬汁整嘅，本身雞扒都好厚身，食落啖啖肉，加埋調味更加開胃，呢個超推介👍蟹籽卡邦尼忌廉蘑菇意粉 🍝 意粉方面就揀咗傳統嘅卡邦尼意粉，整得比較Creamy，建議可以配埋雞扒食都幾夾㗎🤗焦糖燉蛋焙茶冰 🍨呢個甜品超特別，平時淨係食刨冰，呢個有焙茶同埋抹茶味揀，特別之處係佢上邊會有個焦糖燉蛋，入邊有好多脆脆同埋乾果，所以有唔同嘅口感，可以兩個人一齊分享做飯後甜品😋伯爵茶鮮奶 ☕️飲品方面就叫咗凍伯爵茶鮮奶，伯爵茶味好香口😍Espresso Tonic 🧉如果咖啡飲品嘅話會推介呢個tonic，飲落去甜甜酸酸幾開胃🤤

餐廳：Times Coffee地點：觀塘興業街菜式：西台Fusion菜餐牌：主菜，拼盤，沙律，小食，甜品，咖啡，咖啡特調，非咖啡，茶飲，特色飲品，二人套餐。落單掃QR code。巴馬臣芝士烤雞扒 $128巴馬臣芝士烤雞扒大大份，上面加滿熱熔巴馬臣芝士醬同紫菜絲，伴有爽口蘑菇片，菇仔同橙車厘茄。雞扒好大塊，好多肉食，都好滑溜，個醬汁好好味，帶微微辣味，而且有紫菜味更加豐富。焦糖燉蛋焙茶冰 $128焦糖燉蛋焙茶冰賣相不俗，大大兜綿綿冰上面有一件焦糖燉蛋，伴有新鮮藍莓同紅桑子。綿綿冰好綿滑，而焙茶味整得相當好，好香濃。呢個冰仲可以揀抹茶味。焙茶鮮奶 $50朱古力鮮奶 $44焙茶鮮奶同朱古力鮮奶都用玻璃杯裝好，奉上包裝飲管。焙茶鮮奶既焙茶味好香，唔會太苦。朱古力同鮮奶平衡得唔錯。今餐食物都唔錯。咖啡店裝修以校園風為主題，枱凳係用學校既枱凳，有黑板，仲有植物同吊住d自製白雲，好得意。