甜入心 (已結業)

🍴焦糖香蕉比利時窩夫💰HK$58·第一次食網上評價超高既甜入心見到大部份嘅食物價錢都唔係特別貴Order左一個人氣之選既窩夫由於即叫即整 所以等待需時但係我又唔係等左好耐 大概5-10分鐘可能尋日去嘅時候 冇咩客🧐店內環境俾我感覺光線唔夠光猛打起卡 影起相嚟 都唔掂😣但食物方面 擺設真心好靚😍窩夫有兩件 食得出係熱辣辣嘅即整但味道同口感唔太得 唔夠脆比較難切 有啲硬 而且食落口感似麵包🙁冇咩牛油香 都係得麵粉味但有附上一碗糖漿 淋落窩夫度一齊食味道好好多雪糕方面係雲呢拿味 都係正正常常值得一讚嘅係香蕉 表面非常焦香好脆☺️仲有類似Oreo碎配有酸酸甜甜嘅果粒味道好正 又夠脆口朋友order咗一個椰皇子其實味道不錯但椰子size好細🤨整體上除咗窩夫之外其他都算滿意感覺冇網上啲人講到咁好食🙁

今次叫咗兩樣甜品第一樣係焦糖香蕉比利時窩夫佢嗰漿好特別，有小小酒味既感覺個雪糕就用得好快～個碟有少少細唔知點切個窩夫上嘅時候唔係太熱～ 窩夫格格入面有少少朱古力豆！焦糖香蕉就正正常常啦！整體而言不錯呢第二樣係沖繩雪花冰入面有鮮果杏仁脆脆，芋圓，棉花糖，雲呢拿雪糕，海鹽雪花冰！呢個組合好特別，好有海鹽味！海鹽味好濃！芋圓好煙韌！ 岩曬煙韌控個日鮮果係士多啤梨，唔酸～杏仁脆脆同海鹽味好夾！！兩樣甜品都覺得好驚喜！

甜入心呢間甜品鋪都開咗好耐 ，記得以前食過甜品質素都係一般，但係今次黎食，甜品質素大大提升，而且仲好好味焦糖香蕉比利時窩夫$58- 開頭都唔會抱有好大期望，點知嚟到甜品個擺盤非常有心思好靚 有兩塊窩夫，窩夫熱辣辣，即刻整朱古力味waffle入面仲有朱古力粒添而焦糖香蕉既焦糖燒得香脆，雪糕係綠茶口味，下面仲有啲餅碎同朱古力醬，配埋食幾好味$58真係一啲都唔貴，因為比起出面，呢個價錢真係比較抵，而且好食就差好遠