新泉發潮州飯店 (已結業)

好耐冇同朋友聚會，一於约出旺角食飯吹水，最初打算食陸陸，點知要7點幾等到9點先有位，所以轉去食潮州打冷，本來去間好好食嘅，但都係冇位，所以先轉來呢間點知坐低叫餸時先發覺唔太多野選只得打冷冇小菜和炒粉麵飯，但費事再轉地方就試一試我哋叫左通常大家都會叫既食物，鹵水鵝片、韮菜豬红、煎蠔餅、豉椒炒蜆、蠔仔粥、鹵水雜錦拼盤和椒絲腐乳通菜鹵水鵝片，鵝片食落都好軟滑，但個鹵水汁就唔係好夠味韮菜豬红，韮菜好入味，豬红實正軟滑煎蠔餅，好多蠔仔，煎得好脆，呢個幾正豉椒炒蜆，蜆都幾大隻與人多肉，不過唔夠野味，可以再辣少少蠔仔粥，幾大鍋，都算多蠔仔，食落唔醒，個粥就正宗潮州粥，d米煲到半爛鹵水雜錦拼盤，呢個正，有红腸、豬大腸、生腸、鵝腸、墨魚、豬腩肉和炸豆腐，有唔同口感，有生腸和墨魚既爽口彈牙和豬大腸、鵝腸、豬腩肉既軟滑可口椒絲腐乳通菜，一般般，我覺得鑊氣火侯和腐乳味差少少呢間食店可以話普普通通

星期二到旺角睇戲仲有一個鐘時間，又唔想離開UA咁遠自由人又多，每處都要等位畢竟我真係唔覺得旺角係有好野食就打算係附近搵間小菜館或餐廳食下就算見到新泉發都開左咁多年咪入去試下喇哇，入面爆到呢…全店滿座，得一張檯放緊外賣，一張係未執野既我地坐低坐係未執野既個張等極都無人執野，又無人招呼唔怪得喇！整野食入面見就有兩個人但成間鋪入面就得一個白頭阿叔做晒！做死人咩…我都叫：唔該，執野，落單…白頭阿叔笑口迎迎答等等先，我要執晒所有檯先可以過黎！我話：唔係呀?!成5張檯喎！我趕住睇戲呀…阿叔聽到就即刻落單先，轉頭再慢慢去執晒所有野…我地落完單上了兩碟野食後隔離檯同我地同一時間坐低，但佢地連檯都未執如果我地唔係趕時間，我地都應該有排等…肥美鵝片，不錯！只是豆腐太硬好一般既蠔餅，$50碟，我就覺得貴因為元朗都係同價，但就大過佢地起碼三倍，而且勁多蠔炒蜆，都係一段，但至少唔會全部都係吉殼囉！