人和荳品廠 (已搬遷) 新店位置

還記得童年時，我家附近有一間專賣豆腐的店舖 ，有豆腐花、豆漿、煎餃子、煎釀豆腐等食物。該店鋪早已不存在了！今天經過銅鑼灣的人和荳品廠，在門口看了一會，確實有不少人光顧，豆腐製食品繁多，禁不住進內，尋找我那被喚起了的童年回憶。店內座位都比較狹窄，相信也是這個原因，價錢才能賣得比較便宜。我要了煎釀豆腐和豉油王炒麵。煎釀豆腐， 剛剛煎完，端出來的時候，非常熱，人口豆腐和魚肉味相當香口。 豉油王炒麵比較乾身，一口麵、一口豆漿，其樂無窮。

放工好熱經過見有豆腐花就入去食下嗌左個朱古力豆腐見佢係豆品店就試埋個煎釀豆腐個豆腐一黎 我大啖咬落去個人彈開左因為超越熱辣辣佢都幾多客所以豆腐應該Keep住煎所以勁熱不過個豆腐皮煎得幾脆食落去都幾香我個人食開重口味所以加左啲豉油同辣椒醬個辣都ok 同個豆腐幾Match之後就食我碗朱古力豆腐花喇幾冰涼既但一開頭食覺得幾失望好飲出面飲朱古力水溝得太多咁食到一半發現有啲濃既跟住攪一攪個底同啲豆腐花即刻濃味左個心情都靚返今次試左呢2樣整體黎講覺得唔錯店面座位比較窄For短暫坐食下小食ok而服務方面老闆娘同啲姨姨都好急一坐式就問食咩跟住好趕咁問每個客我明既 為左提高翻桌率

今日同媽媽去銅鑼灣行街，行行下好肚餓，又唔想食得太飽，就去左人和荳品廠醫一醫肚。一人一碗豆腐花加碟豆腐！<熱豆腐花，$12>熱豆腐花黎到時唔係好熱，岩哂而家夏天熱辣辣食個熱豆花都唔會太熱！熱豆腐花勁滑勁香！<凍豆腐花，$12>凍豆腐花明顯地無熱豆腐花咁滑，不過都好夠滑！加上夏天食完個凍豆腐花即刻涼爽哂。<煎釀豆腐，$16>煎釀豆腐＄16有四件，計返都要＄4 一件，話平唔平，話貴唔貴！不過就好值得去食！除咗個煎豆腐煎得好香脆之外，裏面都好滑，一啲都唔嚡！加埋佢個辣醬十分惹味！整體而言，平靚正之選！行街行得攰想搵個地方坐得食少少野，絕對係首選！推介！