心選 (已結業)

呢間cafe難搵到要打去餐廳問點行🤣 問完先知原來係要經找換店隔離條樓梯先上到去，就好似哈利波特個9又4分3月台咁，唔識窿路完全搵唔到😂不過唔辛苦又點得世間美食，我就係鐘意捐窿捐罅搵野食😈一入到黎覺得裝修都幾別緻，座位都有好多夠哂闊落，而且同好多cafe一樣有好多board game俾大家玩🥳1️⃣ 鰻魚炒飯 （$112）鰻魚炒飯好大份，入面啲鰻魚係切粒好方便食，但仍然保留到燒鰻魚嗰種香味，而且粒粒飯都佈滿咗鰻魚既燒汁🤤，加埋紫菜同粟米粒成件事好夾👍🏻 2️⃣ 煙肉卡邦尼長通粉 （$98）個長通粉煮得軟硬適中，唔會太淋，食落好有口感😚，好鐘意佢上面放咗個原隻流心蛋黃🍳，撈埋一齊食漿漿地好好味😋3️⃣飲品（熱飲+$0）飲品方面我地叫咗藍莓綠茶🍵同士多啤梨紅茶🍓，前者茶味較重，後者就偏甜，飲落去都帶有微微既果香好特別🥰

今日有朋友約左我去呢間cafe，平時行旺角都唔多覺，原來有間環境唔錯，食物又高質既cafe。咁我同朋友一人嗌左一個dinner set share食，包一杯$36既野飲，其他補差價就ok。第一樣黎既係煙肉卡邦尼長通粉，首先我幾鐘意佢個硬度，唔會整至好淋，賣相唔錯，味道亦都好出色，有d蛋黃汁，但成個汁唔會食到好"流"，紅色一點點有d脆既感覺幾得意，整體好滿意個味道同硬度。之後黎蒜香海鮮意粉，味道都有意外驚喜，非常好食，會食到蒜香味而且蒜味適中，各樣海鮮都新鮮，特別鐘意個蜆肉，有佢既鮮味再加蒜香味，蝦亦爽口彈牙。朱古力粉好足，朱古力味好濃郁，好重味，賣相都好靚。抹茶鮮奶就唔會太甜，有淡淡既抹茶味，飲落幾清香。整體環境都幾好，令人有舒適既感覺。

好朋友生日，今年沒有約一大班朋友，只係兩個去cafe傾下計黎慶祝生日！好友就我放工晏，所以揀左係旺角區一間樓上cafe！入到cafe，地方唔算大，但好有空間感，坐得好舒適，而且燈光非常柔和！Cafe又提供免費WiFi!另外cafe內有好多西式既小擺設！有七款set dinner包一杯飲品，另外大量唔同既遊戲提供比客人！而我被呢款玩具吸引住，小時候好喜歡同細佬一齊玩，童年回憶返哂黎！鰻魚炒飯 - 好日式既鰻魚炒飯，係用珍珠米，好多鰻魚（沒有腥味），而且係好香甜既鰻魚汁炒！煙肉卡邦尼長通粉 - 好香蛋黃味既卡邦尼汁，唔算太多芝士，所以唔會太膩！好友喜歡食呢款！朋友點了 Latte，佢話好香咖啡味又好creamy!我點了香蕉奶昔，勁濃又香既香蕉味，又非常creamy!今晚坐左兩個幾鐘，舒舒服服傾下計，又過左一個愉快既晚上！

約左個準媽媽食生日飯，由於大肚婆好多野都唔食得，所以我地揀左間cafe同佢食個生日飯Cafe既座位全部都係梳化，裝修以啡色為主，牆邊擺左d小擺設都幾得意店員會比塊板我地寫低我地想叫既野食，都幾得意幾環保！OpenRice book位既話主餐牌有75折優惠，而餐廳都有供應set dinner，包左一杯$36既飲品，餐牌折左之後價錢其實差唔多，所以我地叫左3個set dinner 加一個小食拼盤，小食拼盤有75折，可以自選5款小食我地叫左脆皮腸，薯條，花枝丸，雞翼同魚手指，大部分都係即食食品，味道普通冇乜特別卡邦尼長通粉賣相唔錯，但煙肉唔多，通粉偏硬，醬汁唔夠，而且唔夠熱鰻魚炒飯既飯粒都係偏硬，似鰻魚汁撈飯，冇乜鰻魚，都係唔夠熱x2芝士焗得唔夠，焗熔左d芝士就上菜，味道唔差既，但係得面果層熱，食落去都係唔夠熱，室溫，通粉一樣都係偏硬！可以加$25配當日既蛋糕，好多謝店員幫我地畫左咁靚既公仔，上蛋糕果陣仲播埋生日歌，但個蛋糕食落去好鞋，個芝士好似食緊麵粉食品既味道真係好一般，但坐係幾舒服，仲有board game 玩，hea下ok既

用Openrice個app訂座, 和兩位大同來到旺角行人專用區, 旁邊一間樓上cafe。之前完全無發現呢間cafe, 地點相當方便! 位置唔多大約有六張大枱。 Menu 共有7款選擇, 有特色長通粉, 燴飯和意粉, 跟特飲。店裡面乾淨舒適, 窗邊對著西洋菜街, 仲有各種board game選擇, 最啱一班朋友一齊玩！長通粉和飯都做得乾身彈牙, 個人喜歡黑松露野菌燴飯。 **地點就腳, 遠離行人專用區, 心選確係和朋友聚會心意之選!

旺角地鐵站行過去大概4、5分鐘，地點好便利兩個人隨便叫兩個dinner set 同埋一個小食拼盤。小食拼盤可以揀5樣嘢食，其中特別推介蜜糖雞翼同埋椒鹽花枝丸！Dinner set 揀左「煙肉卡邦尼長通粉」、「三文魚南瓜忌廉意粉」。最近胃口唔係幾好，但都覺得煙肉卡邦尼長通粉煮得剛好，唔會過軟或者過硬，小小鹹鹹地嘅煙肉，再加埋卡邦尼，creamy得黎幾開胃🤠 Set 有跟野飲，揀咗「菠蘿梳打」同埋「草莓紅茶」，我覺得草莓紅茶感覺有用新鮮strawberry加紅茶，讚！去cafe食飯好處就係可以慢慢食，座位舒服，同三五知己輕輕鬆鬆飲下水，想玩board game嘅都有好多選擇