匠森串燒

营业中

休息中

上星期嚟到觀塘匠森串燒 ，同朋友一邊食串燒🍢一邊傾偈放鬆下～平日夜晚都好多人呢，而店內有多款唔同嘅串燒，無論係肉類、海鮮定係小食都好多選擇呀～我就最鍾意煙肉芝士燒巨菇、秘製燒豬頸肉同燒生蠔。豬頸肉燒到有少少燶邊，入口爽口彈牙又多汁👍🏻 而煙肉芝士燒巨菇，肉厚多汁，芝士份量十足，芝味濃郁。燒生蠔肥美飽滿，味道濃厚，口感仲好creamy綿滑🥳差啲唔記得仲有燒腐皮墨魚滑，脆卜卜夠晒香口，加少少泰式辣醬都唔錯㗎！✨煙肉芝士燒巨菇✨豚肉荔枝卷✨豚肉芒果卷✨秘製燒豬頸肉✨燒雞中翼✨燒腐皮墨魚滑✨燒新鮮生蠔✨燒韭菜✨冰凍柑桔檸檬特飲✨冰凍提子特飲

觀塘區工廈講飲講食，第一時間會諗起駱駝漆大廈，但唔想次次都咁悶嘅話，我哋推介呢間串燒店比你哋，收工想食下串燒飲下酒，都會係一個幾好嘅選擇😙汁燒安格斯牛仔骨 $78必點！醬汁甜甜地，食落肉質嫩滑，都幾Jᴜɪᴄʏ，牛味頗濃😋燒特級牛舌芯 $68份量適中，有一定嘅厚度，燒到微脆，口感爽彈得嚟中間有少少軟熟😜秘製燒豬頸肉 $58今次呢塊豬頸肉偏瘦啲啲，份量都Oᴋᴀʏ嘅，食落豬味都在線，肉質都幾嫩，帶點爽口，點埋個醬食都幾惹味😗鹽燒新鮮海蝦 $48有4大隻，又係必點！蝦肉拆完都夠哂大，燒得啱啱好，唔乾身，肉質紮實而爽口，味道帶點孜然味，不過建議用口拆殼，🐻表示好耐未試過連拆殼都咁享受😏東北風味羊肉串 $22呢個孜然味極濃，食落完全係東北口味，羊臊味唔重，肉質都頗嫩，幾易咬開👍🏻煙肉芝士燒巨菇 $45燒香口五花腩 $22燒墨魚丸 $22

今日同朋友happy Friday，黎到觀塘呢間新開嘅樓上串燒店😚環境都幾乾淨，坐得幾舒服，日系風～ 我哋每樣都叫咗一啲嚟試下，都盡情叫，冇留肚🤭 煙肉芝士燒巨菇 $45 面上係煙肉芝士，估唔到燒得幾好，而且巨菇幾新鮮，因為菇嘅汁都鎖喺入邊，食嘅時候小心爆汁🤣 燒紐西蘭羊架 $58 + 燒特級牛舌芯$68 羊架都厚身，算大件，半肥瘦，但比較煙靭，唔太羶～ 牛舌芯入邊都juicy ，有咬口，不過不失～ 汁燒原隻魷魚$118 燒得幾好，唔會燒到好乾有黑焦，普遍仲有肉汁，魷魚肉大彈牙，味道比較清新😌燒鮮白鱔 $42 呢個係encore咗！因為幾驚喜，佢燒到外脆內軟，外皮微焦，鱔肉新鮮！招牌風味烤豬手 $58 呢個幾驚喜，豬手醃得入味，有d甜甜地，可能加咗糖漿或者蜂蜜，入邊骨膠原豐富～燒雞皮 $28 外脆好似食緊薯條咁😂 稍微偏鹹🙈秘製豆卜 $22 呢個真心幾好食，豆卜燒得好香脆，滿滿嘅蒜蓉，一啖咬落去，口腔充滿蒜蓉同埋豆卜嘅香味🥹 台灣腸 $22 烤得香脆，外皮薄薄一層～ 味道都ok😆