Ruby Tuesday (已結業)

女友之前收到一張 coupon，有七折食tea set 或 dinner，今日下午放假，睇完戲行一陣，因女友要回家食，所以我決定去食 tea代替我今晚嘅晚餐，當時都係五點九左右，路經呢度就醒起咗有 coupons！不過都係門口問聲可唔可以用兼拎個tea set menu望啲嘢啱唔啱食😅 嘩！唔睇都唔知呢度啲 tea set 咁平！$3x-$5x (無記錯應該無嘢貴過$50)。 唔好意思，唔記得影餐牌😛雖然都叫做有七、八樣揀，其實好多樣都係小吃，但對我來講絕對ok 😁 叫咗密西哥薄餠+我哋好鐘意食嘅煙肉芝士薯條，餐飲就要熱檸茶😊熱檸茶到先，哎！唔記得呢類型美式餐廳嘅檸茶係唔同其他，檸檬係一件件，唔係一塊塊，好彩個茶味都不錯。食物到喇，芝士薯條先，其實呢款好難唔好味，呢度當然做得不錯！同埋呢個Tea set size  對我哋來講真係好，平時正常 size 嘅分量對兩個人來講實在太多。 不過芝士份量好似多咗啲，都食淨咗啲芝士😛跟住密西哥薄餅到，好味號，鐘意啲配醬，同埋塊薄餅都有夾住芝士呀，今餐變咗芝士王😆就算下次無coupons都會再來，食tea時間又少人啲，店舖本身又寬敞舒適，到這裡嘆

無來Ruby Tue幾個月，今日來到發現，用左起碼２年的Tea Menu換左新Menu食物唔同哂，款式簡單左，價錢亦較之前便宜今次我們點了兩款試試煙肉芝士薯條侍應一放上枱，已經聞到好大陣芝士香味望住這個dish的第一個感覺是好「漏」，但食了幾口又覺得幾好吃！煙肉同大量芝士在薯條面，食落去有很濃香的芝士味煙肉咸咸地送薯條食一向都無得輸，所以整體黎講都好味道美中不足是有部份薯條係燶左，不過是可以接受的程度墨西哥雞條拼中東包這個dish的配搭似以前的menu，我鐘意！雞條拼中東包很大件雞有點咸，加個包一齊食最夾，而且飽肚又健康！初時以為得個雞條拼中東包，點知原來有薯片極力推介這裡的薯片，比出面好食好多這間ruby tuesday一向high tea時段不是很多人環境不錯又幾靜，最岩休休閒閒想搵個地方傾計食飯的朋友！

未試過Ruby Tuesday的我，一心與家人來到坑口分店晚餐，等了半小時多才能入座，怎知換來這樣........入座後，侍應便問到要冷水或熱水，然後遞過餐牌。猶豫一會兒後，最終選擇了鐵板精選 - 牛扒條拼烤雞胸、海鮮千層闊麵及煙肉芝士薯條。點過菜式後，望望枱上的餐具，十分骯髒 再舉手叫侍應換，他亦面燶燶不停拿新的餐具來，惟加埋現有餐具，來來回回共換了2套也是十分骯髒 ，最後白白放棄了，只好自己用紙巾抹乾淨。先來煙肉芝士薯條，是全晚最好吃的食物。香噴噴，薯條脆卜卜，配合煙煙韌韌的煙肉，好吃! 至於芝士味道不夠出，不過如用薯條一併夾來吃就好好味。旁邊有沙律醬，但太鹹，不用沾醬會比較好吧!海鮮千層闊麵，賣相非常差，黃色一舊，旁邊蒜蓉包亦好燶。千層闊麵超鹹，汁太厚身，而且海鮮亦不夠多，味道完全不行 另點了鐵板精選- 牛扒條拼烤雞胸，先說牛扒條，燶得有點過份，全舊也是黑色的，表皮超燶，肉超硬，味道亦太鹹，吃完要不停飲水。伴菜的薯蓉凍冰冰，少少薯味也沒有，而椰菜生等亦好生，好難食!另一烤雞胸，同樣超燶，肉質太過老，不過沒有牛扒條那麼鹹，如不說質感，味道尚算接受得到。埋單$6xx元，貴得來又不好吃