薩莉亞意式餐廳 (已結業)

都唔知係咪食得太多好野食到窮呢牌都無咩錢食貴小小今次唯有又食平平地既薩莉亞呢間等既人比起其他唔算太多，20分鐘就入得但原來有原因！！！野食比起西九果間淡口好多，朮其係意粉同意大利飯汁好似加得太多水，食落唔係幾好食其他既pizza同小食我覺得就同其他薩莉亞分別不大唯一推介既反而係一值都見佢唔係咁吸引既帆立貝炸既串燒帆立貝點左芝士又係唔錯不過要食既，我會覺得其他更好！唔值得我既好食推介！

同朋友YAN黎呢度食晚餐~~我第一次食,佢就第2次,見佢話OK就黎試下囉~~其實黎之前已經食左甜品,加上諗住食完呢餐會再去食CAKE,所以只係點左2款食物~~呢度食物款式唔算多,但真係好平~一個PIZZA都係28蚊,平到笑啦~~好彩6點15已經入座,因為我地食完走果時,見到出面又係爆晒人龍,好可怕~~~我地點左....煙肉菠蘿PIZZA如果菠蘿再落多D就仲好,,仲有可能我地食左通粉至食PIZZA,唔係咁夠熱,但整體都OK~~海鮮雜菌焗長通粉呢個真係推介,好香濃既芝士味,面上D配料份量都足夠,白汁又夠好味~~以咁既價錢黎講,我覺得係好味架啦~~仲有係免收加一服務費架~~佢地仲有D扒餐,我諗有機會都會黎試下好唔好味~~

今日同女朋友一齊食晚飯, 先上開飯網在將軍澳有咩好食啦. 見這間的評價都唔錯, 之後我地決定去這間店舖到食. 一去到已見了好多好多人在等候, 佢地不是派籌, 而是自己寫名同幾多位, 我地寫完之後去逛下商場, 1個鐘之後再看看啦, 結果還未到我地的no..之後再隔多3個字再看, 總共等了個半鐘才入得去, 店舖外寫名外賣不備器皿, 如果你要外賣就要自己拿器皿俾佢盛載, 我地因人少只點了3樣食品. 1)北海甜蝦沙律 2)焗田螺 3)煙肉菠蘿pizza1)北海甜蝦沙律- 蝦蝦好好味 好好食, 下次一定會再叫 2)焗田螺 - 有好多蒜蓉, 好野味, 田螺雖然比較細粒很少肉, 用$20的價錢, 係超值的3)煙肉菠蘿pizza- 一般, 耐左pizza皮變得不好吃, 有好多芝士 鐘意芝士的朋友都會喜歡這裡不用加一, 因為水係自己取, 如果要任飲就要加錢及要自己去水吧整飲品, 俾錢又係自己去收銀付款, 這裡侍應只係負責 落Order, 傳菜及清理地方 所以不用收加一也非常合理. 總括來講, 我會再去 因為價錢便宜, 又幾好食, 值得推介. p.s. 如果你食野太高要求, 請太要去吧, 會令你失望,

之前見網上o既人話好抵食, 一直都想試, 所以今日下午我同男朋友就o黎呢度食lunch.呢間餐廳要自己走埋去寫上自己個名同人數, 之後等服務員安排座位, 我o地等咗半小時左右就有得食啦! 呢間餐廳比想像中大, 雖然樓面服務員好少, 不過點菜後唔駛 15 分鐘就有得食lu!我o地點咗芝士佛西亞意大利包($12), 辣味雞翼($20), 煙肉菠蘿pizza($28), 蜆肉意粉($29)先o黎芝士佛西亞意大利包, 聞落去幾香, 味道都幾好, 好似蒜茸包, 不過比蒜茸包仲要軟綿綿~ 好味~! 辣味雞翼冇咩驚喜, 小小辣, 不過不失啦! 煙肉菠蘿pizza, menu上註明個pizza 有9", 味道ok, 不過兩個人食太多lu, 同埋朋友食就o岩o岩好啦! 要一提o既係佢勁多芝士, 鍾意食芝士o既朋友就o岩晒! 最後o既蜆肉意粉, 啲蜆有少少鯹, 但係都 ok, 我比較喜歡加茄汁食, 更好味~!兩個人埋單都係$89, 冇加一, 直得一試~!