豬屋日本料理

营业中

休息中

呢間位於大圍嘅豬屋, 便當款式相當多, 有成十幾款。 一個便當就有齊吉列豬扒、日式炸餃子、日式炸魚餅、中華沙律, 3款餸都係炸嘢, 全部都新鮮炸起, 熱度十足, 夠曬邪惡呀。吉列豬扒仲有成隻手掌咁大塊, 非常浮誇, 日式餃子外皮香脆, 炸魚餅雖然說不上彈牙但亦唔會過腍, 不過不失。朋友見隔離檯隻芝麻雞翼好靚仔, 都唔執輸書叫返個, 熊本便當。 熊本便當有日式芝麻雞翼、香炸軟瑪蘇里拉芝士片、加州卷、中華沙律 , +$9就可以轉芝士咖喱撈烏冬。芝麻雞翼果然無令我地失望, 外皮炸到金黃色, 咬落雞皮嘅油脂, 混合芝麻香, 惹味非常。食完唔夠喉！encore一份雞翼！

之前讀書既時候黎食過N咁多次學生餐，又抵食又好食，今次專程由將軍澳帶男友去食，食完連男友都話我冇推介錯。醬燒三文魚壽司竟然用左三文魚腩去燒，入口就溶，重帶有三文魚腩既油香，極度推介。話就話7吋鰻魚，我同男友用Ipad個Apps 實測長度，差唔多成9吋有多，鰻魚燒得好香，重熱辣辣，絕對唔係平價貨貨色。哈哈！ 榴連炸彈同忌廉芝士磨菇釀雞翼好得意，竟然會用超級市場既手推車出，重分單層同雙層，未食已經加分。 榴連炸彈男友唔食，我一路食佢一路話我，因為陣榴連味真係好強勁，佢唔中意就覺得臭，我中意就覺得極香，對於中意食榴連既人一定要食。忌廉芝士磨菇釀雞翼就有陣好獨特既忌廉芝士味，配堆雞翼食好Juicy，但嫌磨菇比較少。我地重叫左個熊本便當一齊Share食，芝麻雞翼保持到水準，特別既係左上果2件軟心芝士片，食落有芝士加香草味道，又可以做到拉絲既效果，愛芝士既人不坊一試。值得一讚既係，我地食食下野倒瀉左罐飲品，侍應即該比左紙巾同濕紙巾我地抹腳，幫我地拖番個地，重即刻免費送番一罐新既比我地，全程態度重要好好，攪到我都唔好意思，所以臨走既時候都俾多左貼士。最後埋單竟然$197蚊，平到我地都唔信。