豬屋日本料理

营业中

休息中

之前读书既时候黎食过N咁多次学生餐，又抵食又好食，今次专程由将军澳带男友去食，食完连男友都话我冇推介错。酱烧三文鱼寿司竟然用左三文鱼腩去烧，入口就溶，重带有三文鱼腩既油香，极度推介。话就话7吋鳗鱼，我同男友用Ipad个Apps 实测长度，差唔多成9吋有多，鳗鱼烧得好香，重热辣辣，绝对唔系平价货货色。哈哈！ 榴连炸弹同忌廉芝士磨菇酿鸡翼好得意，竟然会用超级市场既手推车出，重分单层同双层，未食已经加分。 榴连炸弹男友唔食，我一路食佢一路话我，因为阵榴连味真系好强劲，佢唔中意就觉得臭，我中意就觉得极香，对于中意食榴连既人一定要食。忌廉芝士磨菇酿鸡翼就有阵好独特既忌廉芝士味，配堆鸡翼食好Juicy，但嫌磨菇比较少。我地重叫左个熊本便当一齐Share食，芝麻鸡翼保持到水准，特别既系左上果2件软心芝士片，食落有芝士加香草味道，又可以做到拉丝既效果，爱芝士既人不坊一试。值得一赞既系，我地食食下野倒泻左罐饮品，侍应即该比左纸巾同湿纸巾我地抹脚，帮我地拖番个地，重即刻免费送番一罐新既比我地，全程态度重要好好，搅到我都唔好意思，所以临走既时候都俾多左贴士。最后埋单竟然$197蚊，平到我地都唔信。